სტამბოლში, ათათურქის საერთაშორისო აეროპორტში ორი აფეთქება მოხდა. როგორც მედია იტყობინება, სულ მცირე 10 ადამიანია დაღუპული, ათეულობით კი დაშავდა.

ამას გარდა, ათათურქის აეროპორტის მიმდებარედ მანქანების პარკინგთან სროლის ხმა ისმოდა. გავრცელებულ ვიდეოში ჩანს, რომ ადამიანები თავის შესაფარებლად შენობაში შერბიან.

თურქეთის ოფიციალურმა წარმომადგენელმა CNN-ს უთხრა, რომ ერთ-ერთი აფეთქება თვითმკვლელი ტერორისტის თავდასხმას უკავშირდება.

დაჭრილები საავადმყოფოში ტაქსებით გადაჰყავდათ, ადგილზე მობილიზებულია სასწრაფო დახმარების მანქანებიც.

ბოლო თვეების განმავლობაში თურქეთში არაერთი აფეთქება მოხდა, რომელთა ნაწილზე პასუხისმგებლობა ე.წ. ისლამურმა სახელმწიფომ აიღო, ნაწილზე კი – ქურთულმა ტერორისტულმა ორგანიზაციამ.