FAO-ს მიერ ფერმერთა განწყობების კვლევის კვლევის მიხედვით, საქართველოში მნიშვნელოვან პრობლემად რჩება ფერმერთა არაინფორმირებულობა ცხოველიდან ადამიანზე გადამდები დაავადებების შესახებ. კვლევა საქართველოში, კახეთში, სამეგრელოში, აჭარაში, სამცხე-ჯავახეთსა და შიდა ქართლში ჩატარდა.

როგორც ორგანიზაციაში აღნიშნავენ, გამოკითხულები 11-ბალიანი სისტემით აფასებდნენ თავის ცოდნას ცხოველთა დაავადებების შესახებ - გამოკითხულთა 29 პროცენტმა აღნიშნა, რომ თითქმის არაფერი იცის ცხოველთა დაავადებების შესახებ.

"ეს კი ნიშნავს, რომ ფერმერები და მათი ოჯახის წევრები, ცხოველიდან ადამიანზე გადამდები (ზოონოზური) დაავადების პირველად რისკ-ჯგუფის კატეგორიაში არიან", - აღნიშნავენ ორგანიზაციაში.

ამავე კვლევის მიხედვით, გამოკითხულთა 58 პროცენტი საკუთარი ცხოველისაგან წარმოებული ნაწარმის (რძე, ყველი, ხორცი) უდიდეს ნაწილს, 76-100 პროცენტს თავად მოიხმარს.

"სურსათის უვნებლობასთან დაკავშირებულ რისკებს ზრდის ფაქტი, რომ ფერმერთა მხოლოდ ოთხმა პროცენტმა დაკლა მსხვილფეხა საქონელი სასაკლაოში ბოლო 12 თვის მანძილზე", - განმარტებულია კვლევაში.

იხილეთ კვლევა სრულად.