დღეს, 29 ნოემბრის მთავრობის სხდომაზე კახა კალაძემ მერის მოადგილეს მაია ბითაძეს ორი კვირის ვადაში თბილსერვისჯგუფის ხელმძღვანელობასთან ერთად საყოფაცხოვრებო ნარჩენების გატანის ახალი გეგმის შემუშავება დაავალა:

როგორც კახა კალაძემ განაცხადა, ნარჩენები ღამის საათებში უნდა გაიტანონ ისე, რომ ქალაქში მოძრაობას ხელი არ შეეშალოს:

"მე ვიცი, რომ ნარჩენების გატანა ხდება დილის და დღის საათებში, რომელიც გარკვეულ დისკომფორტს ქმნის. მოქალაქეების დახმარება თუ დაგვჭირდება, ამის მზაობა არის. ძალიან ბევრი წერილი შემოდის, ამიტომ თანადგომა იქნება საზოგადოების მხრიდან".