არგენტინის ნაკრების თავდამსხმელმა ლიონელ მესიმ განაცხადა, რომ ნაკრებს ტოვებს. ინფორმაციას BBC ავრცელებს.

ეს გადაწყვეტილება ფეხბურთელმა მას შემდეგ მიიღო, რაც პენალტის გატანის შესაძლებლობა გაუშვა ხელიდან და 4 მნიშვნელოვანი მატჩი წააგო ფინალურ ეტაპებზე.

"ჩემთვის ეროვნულ ნაკრებში ასპარეზობა დასრულდა. ყველაფერი გავაკეთე რაც შემეძლო, ჩემთვის გულსატკენია, როცა ჩემპიონი ვერ ვარ" - განაცხადა 29 წლის ფეხბურთელმა მას შემდეგ, რაც Copa America-ზე ჩილესთან დამარცხდა.

ბარსელონაში თამაშის დროს, მესიმ მოიგო 8 La ლიგა და 4 ჩემპიონთა ლიგა.

"უკვე მეოთხე ფინალია, როცა ეროვნულ ნაკრებთან დავმარცხდი. ყველაზე მეტად ეს გამარჯვება მსურდა, რაც ვერ მივიღე, ასე რომ, ეს დასრულდა" - თქვა მან.