"არა პატიმრების წამებას" — პენიტენციურ სამსახურთან საპროტესტო აქცია მიმდინარეობს. ადგილზე მსჯავრდებულ გიორგი დავითაძის ოჯახის წევრები და მხარდამჭერები არიან შეკრებილები და ყველა იმ პირის დასჯას ითხოვენ, ვინც, მათი თქმით, გიორგი დავითაძეზე ფიზიკურ და სექსუალურ ძალადობას ახორციელებდა.

შეგახსენებთ, რომ მსჯავრდებულმა გიორგი დავითაძემ განაცხადა, რომ მასზე ბადრაგმა დეესკალაციის ოთახში სექსუალურად იძალადა. დავითაძის ოჯახის წევრები ასევე ითხოვენ, რომ გამოძიების დასრულებამდე სამსახურებრივი უფლებამოსილება დროებით შეუჩერდეს მეექვსე პენიტენციური დაწესებულების ხელმძღვანელს, გიორგი პატარიძეს, რადგან მათი თქმით, სწორედ ის სახელდება ძალადობის ერთ-ერთ მთავარ ორგანიზატორად.

ამ წუთებში შეკრებილები საზოგადოებრივი მაუწყებლისკენ გეგმავენ მსვლელობით წასვლას. მათი მოთხოვნაა, რომ "საზოგადოებრივმა მაუწყებელმა" აქციის მონაწილეებს პირდაპირი ეთერი დაუთმოს.

მეტი გიორგი დავითაძის საქმეზე: