აქტივისტი სერგეი ყანჩელი სოციალურ ქსელში ვრცელ პოსტს აქვეყნებს, სადაც წერს, რომ 27 სექტემბერს პოლიციამ ის გააჩერა, სასაფლაოზე აიყვანა და მასზე ფიზიკურად და სექსუალურად შეავიწროვა. ყანჩელი მომხდარს მის სამოქალაქო პოზიციას უკავშირებს. აქტივისტი პოსტში აღნიშნავს, რომ ამ განცხადებას უსაფრთხო ქვეყნიდან აქვეყნებს.

გთავაზობთ აქტივისტის სრულ განცხადებას:

"კვირას, 27 სექტემბერს, სარბენად გასული გამაჩერა პოლიციამ, ჯამში 6 პირი იყვნენ, გადამიყვანეს სასაფლაოზე და ფიზიკურად გამისწორდნენ, დანით გამიკაცრეს სახე და იარაღით მემუქრებოდნენ, მადებდნენ თავზე, მკედრზე და სხვა სხეულის ნაწინელებზე. მაიძულებდნენ სქესობრივი კავშირის დამყარებას. ეს წამება გრძელდებოდა დაახლოებით 50 წუთის განმავლობაში, რის შემდეგაც პოლიციამ დაიტოვა თავისი დანაშაულის ადგილი.

მათი თითოეული ეს ქმედება მიმართული იყო ჩემი სამოქალაქო პოზიციისკენ, რადგან ფიზიკური თუ სიტყვიერი შეურაცხყოფის და ასევე სქესობრივი იძულების კვალდაკვალ მიხსენიებდნენ "აკაცუკად" და აბუჩად იგდებდნენ ჩემს სამოქალაქო პოზიციას.
ბევრმა იცით, რამდენად რთული იყო ჩემთვის იმის გაიაზრება, რომ ოდესმე საქართველოს დატოვება მომიწევდა, მაგრამ ქართულმა ოცნებამ და მისმა პოლიციურმა რეჟიმმა მოახერხა ჩემთვის ამ ჯოჯოხეთის შექმნა.

რადგან ჩემგან სამშობლოს დატოვება არაფერს არ ნიშნავს იმ პოლიციელებისთვის ვინც ეს დანაშაული ჩაედინა, ამიტომ საჩივარი შევიტანე ამ არაადამინების წინააღმდეგ, რომ მათი პოვნა და გასამართლება მოხდეს. ყველამ უნდა იცოდეს მაგათი ვინაობა და ჩადენილი დანაშაული," — წერს აქტივისტი.

რამდენიმე დღით ადრე ყანჩელმა სოციალურ ქსელში გამოაქვეყნა პოსტი, სადაც წერს, რომ "თუკი მის მიმართ განხორციელდა რაიმე უკანონო ქმედება, სრული პასუხისმგებლობა ეკისრება ქართულ ოცნებას".