თბილისის ჯერ კიდევ მოქმედი მერი, დავით ნარმანია ამბობს, რომ თვითმმართველობის არჩევნებში ხმა "რეალურად საქმის გამკეთებელს" მისცა. ნარმანიამ ამის შესახებ ჟურნალისტებთან ხმის მიცემის შემდეგ ისაუბრა.

"მე დღეს გავაკეთე ძალიან მნიშვნელოვანი არჩევანი. არჩევანი გავაკეთე იქედან გამომდინარე, თუ რეალურად ვინ არის ამ ქალაქში საქმის გამკეთებელი, ვის აქვს ყველაზე მეტი გამოცდილება, ვის აქვს ყველაზე მეტი შესაძლებლობა, საუკეთესო პროგრამა იმისათვის, რომ ყველა კარგი დაწყებული საქმე გააგრძელოს და მეორე მხრივ, ის ახალი ინიციატივები, რომლებიც ამ პროგრამებიდან გამომდინარეობს ღირსეულად იქნას შესრულებული", - განაცხადა დავით ნარმანიამ.

ნარმანია თბილისის მერობის კანდიდატად მმართველმა პარტიამ, ქართულმა ოცნებამ დაასახელა. ამავე პარტიის კანდიდატი წელს კახა კალაძეა.