"საერთაშორისო გამჭვირვალობა — დიდმა ბრიტანეთი" (Transparency International UK) სამთავრობო პროპაგანდისტული ტელეარხების "იმედისა" და "პოსტვ"-ის სანქცირებას მიესალმება, თუმცა აღნიშნავს, რომ ეს ქმედებების დასაწყისი უნდა იყოს და არა დასასრული.

დუნკან ჰეიმსმა, "საერთაშორისო გამჭვირვალობა — დიდი ბრიტანეთის" პოლიტიკის დირექტორმა, განაცხადა, რომ აღნიშნულ ტელევიიზიებზე სანქციების დაწესება "რუსეთის ომის მანქანის მხარდამჭერი პროპაგანდის გავრცელებისთვის, მნიშვნელოვანი და აუცილებელი ნაბიჯია". დუნკან ჰემსის განცხადებაში აღნიშნულია, რომ "დიდმა ბრიტანეთმა ახლა სწრაფად უნდა იმოქმედოს, რათა სამიზნეში პირდაპირ ამოიღოს რეჟიმის ეს ხელშემწყობები — გაყინოს მათი აქტივები, შეზღუდოს მათი წვდომა დიდი ბრიტანეთის ფინანსურ ინფრასტრუქტურაზე."

"დიდი ბრიტანეთის მთავრობის გადაწყვეტილება, სანქციები დააწესოს ქართულ საინფორმაციო არხებზე — "იმედსა" და "პოსტვ"-ზე, რუსეთის ომის მანქანის მხარდამჭერი პროპაგანდის გავრცელებისთვის, მნიშვნელოვანი და აუცილებელი ნაბიჯია. ეს არის იმის აღიარება, რომ რუსეთის მიერ მხარდაჭერილმა გავლენის ოპერაციებმა პირდაპირი როლი ითამაშა საქართველოს მიერ დიდი შრომით მოპოვებული დემოკრატიის დემონტაჟში.

თუმცა, ეს მხოლოდ დასაწყისი უნდა იყოს. რეჟიმის ხელშემწყობთა მცირე ჯგუფს საქართველო კლეპტოკრატიისკენ მიჰყავს — ამ პროცესში ქვეყანა სულ უფრო მეტად შეჰყავთ პუტინის გავლენის სფეროში — და სანქციებმა ეს რეალობა უნდა ასახოს.

დიდმა ბრიტანეთმა ახლა სწრაფად უნდა იმოქმედოს, რათა სამიზნეში პირდაპირ ამოიღოს რეჟიმის ეს ხელშემწყობები — გაყინოს მათი აქტივები, შეზღუდოს მათი წვდომა დიდი ბრიტანეთის ფინანსურ ინფრასტრუქტურაზე და უზრუნველყოს, რომ მათ ვერ შეძლონ ლონდონის პერსონალურად გამოყენება უსაფრთხო ნავსაყუდლად ან დაზღვევის გარანტიად, როდესაც ისინი საბოლოოდ აგებენ პასუხს", — წერია დუნკან ჰემსის განცხადებაში.

შეგახსენებთ, დიდმა ბრიტანეთმა სამთავრობო, პროპაგანდისტულმა ტელეარხები "იმედი" და "პოსტვ" 24 თებერვალს დაასანქცირა.

მეტი "იმედისა" და "პოსტვ"-ის დასანქცირების შესახებ: