პარტია ერთიანი ნეიტრალური საქართველო დიდი ბრიტანეთის მიერ პროსამთავრობო პროპაგანდისტული ტელეარხების "იმედისა" და "პოსტვ"-ის დასანქცირებას გამოეხმაურა.

მათ მიერ გავრცელებულ განცხადებაში წერია, რომ საქნციების შედეგები ცნობილია და ეს ნაბიჯი ვერც ტელევიზიების სარედაქციო პოლიტიკაზე და ვერც მათი მაყურებლის მტკიცე პოზიციაზე — არასოდეს დაუშვას საქართველოს პროქსი სახელმწიფოდ გადაქცევა, ვერ იმოქმედებს. მათივე გნმარტებით, "იმედი" არ დაუბრუნდება სიცრუის ტირაჟირებას, "მოდელირებული ქრონიკის" და BBC-ის მსგავსი ფეიკ სიუჟეტების სტანდარტით მუშაობას."

"გვსურს გამოვეხმაუროთ ჩვენს ქვეყანაზე პოლიტიკური შანტაჟის მორიგ მცდელობას, რასაც ოლიგარქიული ოჯახები ამჯერად დიდი ბრიტანეთის ხელით ახორციელებენ. რუსეთთან ომის გახანგრძლივება კვლავ არის მათი ინტერესი და ამ მიზნისთვის ისინი იყენებენ საკუთარ მარიონეტებს.

საქართველოში, ასევე საკუთრივ ევროპაში, "დიპ სტეიტს" მიერ მართული ევრობიუროკრატიის სრული გაკოტრების ფონზე განხორციელდა ტაქტიკური ცვლილებები და კიდევ ერთხელ გაკეთდა აქცენტი ბრიტანეთის მთავრობაზე, რომელმაც მიღებული საგანგებო დავალების შესაბამისად, ერთხელ უკვე შეასრულა საბედისწერო როლი 2022 წლის აპრილში, კონფლიქტის მხარეების მიერ ხელმოწერილი სამშვიდობო შეთანხმების ჩაშლით.

მაშინ, როდესაც თბილისისა თუ ბრიუსელის აგენტურული ქსელი მთლიანად გაიშიფრა და დაკარგა ყველანაირი ეფექტი, "დიპ სტეიტმა" გადაწყვიტა, ადვილად პროგნოზირებადი უკანასკნელი სვლების გაკეთება. ტელეკომპანიების "იმედისა" და "პოსტვ"-ის სანქცირების შედეგი წინასწარ ცნობილია — ცხადია, ეს ნაბიჯი ვერ იმოქმედებს აღნიშნული ტელევიზიების სარედაქციო პოლიტიკაზე და ვერც მათი მაყურებლის ანუ ქართველი ხალხის უმრავლესობის მტკიცე პოზიციაზე — არასოდეს დაუშვას საქართველოს პროქსი სახელმწიფოდ გადაქცევა. "იმედი" არ დაუბრუნდება სიცრუის ტირაჟირებას, "მოდელირებული ქრონიკის" და BBC-ის მსგავსი ფეიკ სიუჟეტების სტანდარტით მუშაობას", — წერია განცხადებაში.

ერთიანი ნეიტრალური საქართველოს განცხადებაში აღნიშნულია, რომ სანქციებსნ იმ ტელევიზიების წინააღმდეგ იყენებენ, რომლებიც "დიპ სტეიტის"კონტროლს მიღმა არიან და ქართველ ხალხს ცრუ ნარატივებით არ კვებავენ. მათი განმარტებით, ტელევიზიების სანქცირებით, ოლიგარქიულმა ოჯახებმა დიდი ბრიტანეთის სახელით თქვეს, რომ სიმართლე დასჯადია.

"ჩვენ ვხედავთ ღირებულებით გაუკუღმართებას, როდესაც აფინანსებენ და ახალისებენ ისეთ მედიასაშუალებებს, რომლებიც გამოირჩევიან ლიბერალური ფაშიზმით, ცილისწამებით, დაპირისპირების გაღვივებით, პრესის თავისუფლების ჯილდო გადაეცემათ ნიკა გვარამიასა და პოლიციელზე მოძალადე მზია ამაღლობელს, ამის პარალელურად კი, სანქციებს იყენებენ იმ ტელევიზიების წინააღმდეგ, რომლებიც "დიპ სტეიტის"კონტროლს მიღმა არიან და ქართველ ხალხს არ კვებავენ ცრუ ნარატივებით — უკრაინის გარდაუვალ გამარჯვებაზე თუ სხვა საკითხებზე.

ოლიგარქიულმა ოჯახებმა ამჯერად დიდი ბრიტანეთის სახელით გვითხრეს, რომ სიმართლე დასჯადია; რომ მშვიდობის შენარჩუნება და სუვერენიტეტის დაცვა დანაშაულია. ნიშანდობლივია, რომ ეს ყოველივე ხდება იმის ფონზე, რომ უკანასკნელ პერიოდში ოლიგარქიული ოჯახები, მათივე მართული სპეცსამსახურებით და ინფორმაციების კონტროლირებადი გავრცელებით მომაკვდილებელ დარტყმას აყენებენ დიდი ბრიტანეთის მრავალსაუკუნოვან სახელმწიფო სიმბოლოს — სამეფო ოჯახს. მსოფლიომ იხილა პედოფილიასა და სექს-ტრეფიკინგში მონაწილეობის ბრალდებით დაკავებული პრინცი ენდრიუ და ბრიტანეთის ელჩი აშშ-ში. მორალურად სახედაკარგული ბრიტანეთის მთავრობა ადვილად მართვადია და მას იყენებენ ბინძური დავალებების შესასრულებლად, რისი ნაწილიც არის საქართველოზე პოლიტიკური შანტაჟის განხორციელების მორიგი მცდელობა, ამჯერად ტელეკომპანიების "იმედისა" და "პოსტვ"-ის სანქცირების გზით.

ნათელია, რომ მსგავსი ჰიბრიდული შეტევები არ დასრულდება ამ ნაბიჯით, ამიტომ საქართველოს ხელისუფლებამ უნდა განაგრძოს თანმიმდევრული ქმედებები, მათ შორის აუცილებლად მიგვაჩნია სამართლებრივი რეაგირება იმ ორგანიზაციების და პირების საქმიანობაზე, რომლებიც ხანგრძლივი დროის განმავლობაში, მტკიცებით ფორმაში ავრცელებენ ბრიტანული BBC-ის ცრუ ნარატივს, მოქალაქეთა გაზით მოწამვლის შესახებ. ასევე, ადეკვატური პასუხი უნდა გაეცეთ დიპლომატიური ჩარჩოებიდან გასული ელჩების აბსოლუტურად თავხედურ თავდასხმებს დამოუკიდებელ მედიასაშუალებებზე და ჟურნალისტებზე. აქვე, ჩვენი პარტიის სახელით, სრულ მხარდაჭერას ვუცხადებთ "იმედისა" და "პოსტვ"-ის თანამშრომლებს.

ქართველი ხალხის სიმართლით შეიარაღება და "დიპ სტეიტის" აგენტურული ქსელის სრული განეიტრალება არის იმის გარანტი, რომ ქვეყნის გარედან განხორციელებულ შანტაჟს ვერც ერთ ეტაპზე, ვერ იქნება გავლენა საზოგადოებრივ — პოლიტიკურ პროცესებზე", — აღნიშნულია განცხადებაში.

დიდმა ბრიტანეთმა სამთავრობო პროპაგანდისტული "იმედი" და "პოსტვ" გუშინ, 24 თებერვალს დაასანქცირა.