ოცნების პარლამენტის ვიცესპიკერი ნინო წილოსანი მხარდაჭერას უცხადებს ბრიტანეთის მიერ სანქცირებულ "იმედისა" და "პოსტვ"-ის საუკეთესო, პროფესიონალ ჟურნალისტებს". მისი თქმით, როცა "იმედს" და "პოსტვ"-ის ასანქცირებ, ეს იგივეა, რომ ბრიტანელებს აუკრძალო წვდომა BBC One და ITV1 ტელევიზიებზე. გერმანიას ZDF და ა.შ.

"ტელეკომპანია "იმედს" და "პოსტივის" ჯამში ქართველი მაყურებლის 40% -ზე მეტი ენდობა. სწორედ ამდენი ადამიანი დააცენზურა ბრიტანეთმა ამ არხების დასანქცირებით და ეს ყველაფერი ხდება იმის ფონზე, როცა საქართველოში 10-მდე მსხვილი ტელევიზია ფუნქციონირებს, მათ შორის 3 წარმოუდგენლად რადიკალური არხი და მაყურებელს აქვს თავისუფალი არჩევანი უყუროს იმ არხს, რომელიც მისთვის მისაღებია.

სწორედ იქიდან გამომდინარე, რომ მაყურებელი თავად ირჩევს რას უყუროს საქართველოს მედია სივრცეში, ბრიტანეთის სანქციები არა "იმედს" და "პოსტივის", არამედ ქართველ ხალხს მიემართება. მიემართება, რათა ჩაახშოს კონკრეტული ინფორმაცია და არ მისცეს მათ მოსმენის და ნახვის საშუალება.

როცა "იმედს" და "პოსტვ"-ის" ასანქცირებ, ეს იგივეა, რომ ბრიტანელებს აუკრძალო წვდომა BBC One და ITV1 ტელევიზიებზე ; გერმანიას ZDF და ა.შ.

დაველოდები გერმანიის და ბრიტანეთის ელჩების შეფასებას ცენზურის ამ შემზარავ ფაქტზე, რომელზეც დიდი ხანია ტრამპი, ჯ.დ. ვენსი და სხვები საუბრობენ.

მარკო რუბიომ ახლახან ბრიტანელ ცენზურის აგენტებს შეერთებულ შტატებში შესვლა აუკრძალა — დონალდ ტრამპი;

ილონ მასკი აცხადებს, რომ გაერთიანებული სამეფო თავისუფალი სიტყვის შეზღუდვას ცდილობს, მაშინ როცა X-ს შესაძლო აკრძალვა ემუქრება.

აშშ აცხადებს, რომ გაერთიანებულ სამეფოში ადამიანის უფლებების მდგომარეობა გასულ წელს გაუარესდა.

ჯეი დი ვენსი დევიდ ლემისთან შეხვედრისას აფრთხილებს, რომ გაერთიანებული სამეფო თავისუფალი სიტყვის დაკარგვის "ბნელ გზას" არ დაადგეს.

თუმცა, სწორედ დღეს — საბჭოთა ოკუპაციის დღეს, ყველაზე მძიმედ გვახსენდება რა ქარტეხილებს არ გადაუვლია ჩვენს თავზე და მიუხედავად ამ ყველაფრისა, როგორ გადავრჩენილვართ. საქართველოში თავისუფალი სიტყვის ჩახშობა ყველაზე სასტიკ რეჟიმებსაც კი არ გამოსვლიათ, სანქციებიც ვერ გააჩუმებს მართალ სიტყვას საქართველოში. ჩემი პატივისცემა და დიდი მხარდაჭერა "იმედის" და "პოსტვ"-ის საუკეთესო, პროფესიონალ ჟურნალისტებს", — წერს ნინო წილოსანი.