დღესოცნების ხელისუფლების პრემიერმინისტრ ირაკლი კობახიძეს პარლამენტში ინტერპელაციის წესით მოუსმინეს, ქვეყნის მიგრაციისა და დემოგრაფიის საკითხზე ისაუბრა.

მისი განცხადებით, საქართველოში შობადობის შემცირებას სოციალური მიზეზი არ აქვს და ეს "მსოფლმხედველობის პრობლემაა". ოცნების პრემიერმა ასევე დასძინა, რომ ეს ყველაფერი ე.წ ლიბერალური იდეოლოგიის გავრცელების ბრალია და მაგალითად 90-იანი წლები მოიყვანა, როცა, გაჭირვების მიუხედავად, საქართველოში ბევრად მაღალი შობადობის დონე იყო.

"შობადობას რაც შეეხება, ერთი საინტერესო დეტალია იმაზე, რომ სოციალური მიზეზი არ აქვს შობადობის შემცირებას. 90-იან წლებში პირველ რიგში როდესაც ყველაზე მეტად უჭირდა ჩვენს ქვეყანას, საბჭოთა სისტემის რღვევის შემდეგ, მაშინ იყო ბევრად უფრო მაღალი შობადობის კოეფიციენტი საქართველოში ვიდრე არის დღეს, და ასევე საინტერესო დეტალია რომ მე-3 და მე-4 ბავშვის შობადობის ნაწილში 2024 წლიდან არის მომატებული მაჩვენებლები და არის სტაბილურად მაღალ დონეზე შენარჩულებული, მკვეთრად იკლებს და დრამატულად იკლებს პირველი და მეორე შვილის შობადობის მაჩვენებელი.

აქედან კიდევ ერთხელ ჩანს, რომ სოციალური მიზეზი ამას არ აქვს, რაც მიანიშნებს იმაზე, რომ გვაქვს სერიოზული მსოფლმხედველობრივი გამოწვევა, რასაც პირველ რიგში უნდა დავუპირისპირდეთ დადებითი გაგებით, საჭიროა შეიცვალოს ადამიანების მსოფლმხედველობა, ინტერესი არის შემცირებული ქორწინების კუთხით და ქორწინება-განქორწინების სტატისტიკაც ამას აჩვენებს, რაც აისახება პირველი და მეორე შვილის შობადობის სტატისტიკაზე, ძალიან მძიმე ტენდენციებია, თუმცა ეს არ არის მხოლოდ საქართველოსთვის დამახასიათებელი, აქტიურად ვრცელდებოდა ე.წ. ლიბერალური იდეოლოგია, ყველგან არის პრობლემები.

ჩრდილოეთ ამერიკაშიც ძირითადად იმიგრაციის ხარჯზე იზრდება მოსახლეობა, სადაც არის კეთილდღეობის მაღალი დონე და სადაც აქტიურად ვრცელდებოდა ე.წ. ლიბერალური, სინამდვილეში ფსევდო ლიბერალური იდეოლოგია ყველგან არის ძალიან მძიმე პროცესები დაწყებული. გახსოვთ ე.წ. გენდერული პოლიტიკა, ლგბტ პროპაგანდა და ა.შ ამას დაუპირისპირდა სწორედ საქართველოს პარალმენტის მიერ მიღებული კანონი, ამ კანონთან დაკავშირებითაც ხედავთ რამხელა კრიტიკა წამოვიდა როგორც ადგილობრივი რადიკალური ოპოზიციის, ისე მათი უცხოლელი მხარდამჭერების მხრიდან, სინამდვილეში ჩვენ გვჭირდება სერიოზული ზომების მიღება იმისათვის რომ შეიცვალოს, საზოგადოების მსოფლმხედველობა, ჩვენ უნდა ვიზრუნოთ საზოგადოების პატრიოტული სულისკვეთების ამაღლებაზე და ზოგადად ისეთი ცნობიერების ჩამოყალიბებაზე, რომელიც ხელს შეუწყობს საქართველოში დემოგრაფულ პროცესებს.

მნიშვნელოვანია, რომ ის პრობლემური ტენდენციები, რომლებიც არის ჩამოყალიბებული შობადობის მიმართულებით, ქორწინება-განქორწინების მიმართულებით, რადიკალურად შევცვალოთ. რა თქმა უნდა, ამ კუთხით, ჩვენ შეგვიძლია, განვიხილოთ ფინანსური პრივილეგიების დაწესების საკითხი და ასეთი ზომები მიღებულ იქნა გასული წლების განმავლობაში," — თქვა კობახიძემ.