შეიძლება არ გახსოვთ, ამიტომ შეგახსენებთ, რომ რამდენიმე თვის წინ, ანიმაციური სერიალის, Rick And Morty-ს ფანმა მაკდონალდსის სიჩუან სოუსში eBay-ზე $14 ათასი გადაიხადა.

ამ ამბის მერე სოუსის გარშემო შექმნილი აურზაური არ შეწყვეტილა და რამდენიმე დღის წინ, მიჩიგანელ რეიჩელ მერის საოცარი წინადადებით მიმართეს, რომელზეც მან უარი ვერ თქვა. რეიჩელს მაკდონალდსის სიჩუან სოუსის გაცვლა კნოპების კოლექციაში უნდოდა, თუმცა მას 2004 წლის Volkswagen GTI შესთავაზეს.

მანქანის ყოფილი პატრონის სახელი და გვარი არ ვიცით, მაგრამ თუ ვინმეს ჩვენი სამყაროს რიკ სანჩესი შეგხვდათ, რომელიც მორტის ან მის შემცვლელს ეძებს, პირდაპირ მიჩიგანში გაგზავნეთ.

სიჩუანის სოუსი მაკდონალდსმა 1998 წელს გამოუშვა, დისნეის ანიმაციური ფილმის, მულანის, პრომო-კამპანიის დროს და შემდეგ ქსელიდან ამოიღო.

სოუსის გარშემო ამბავი მას შემდეგ ატყდა, რაც მესამე სეზონის პირველ სერიაში, რიკი სოუსს რამდენჯერმე ახსენებს. ეპიზოდის ნახვის შემდეგ სერიალის ფანები, რომლებსაც სოუსის კიდევ ერთხელ ან პირველად გასინჯვა უნდათ, დაჟინებით ითხოვენ მის ახლიდან გამოშვებას.