საპარლამენტო უმცირესობაში, ევროპული საქართველოში აცხადებენ, რომ შეიარაღებული პირი მათი პარტიის თელავის ოფისს თავს დაესხა და აქტივისტებისგან საქმიანობის შეწყვეტას მოითხოვდა. ამის შესახებ ინფორმაციას პარტიის პრესსამსახური ავრცელებს.

საქმეზე შინაგან საქმეთა სამინისტრომ გამოძიება სისხლის სამართლის კოდექსის 151-ე მუხლით დაიწყო. ამ მუხლით პასუხისმგებლობა მუქარისთვისაა გათვალისწინებული.

"ოპერატიულად დადგინდა პირის ვინაობა და შემთხვევიდან 15 წუთში პირი შეაჩერეს. მისი პირადი ჩხრეკისას ნივთმტკიცებად ამოღებულია სათამაშო იარაღი", - ამბობენ შსს-ში.

ევროპულ საქართველოში კი დასძენენ, რომ ეს არაა პირველი შემთხვევა, როდესაც პარტიის წევრებს ემუქრებიან ან თავს ესხმიან.