ლიეტუვის საგარეო საქმეთა სამინისტრო სოციალურ პლატფორმა X-ზე სოლიდარობას უცხადებს საქართველოში გერმანიის ელჩს პეტერ ფიშერს, რომელიც კონსულტაციებისთვის გერმანიის მთავრობამ გაიწვია.

"კიდევ ერთხელ ვუცხადებთ სოლიდარობას ჩვენს გერმანელ კოლეგებს და ელჩ პიტერ ფიშერს: ქართული ოცნების წარმომადგენლების მიერ მის მიმართ გამოთქმული უსაფუძვლო ბრალდებები, აგრესიული რიტორიკა და თავდასხმები სრულიად მიუღებელია. ასეთი თავდასხმები მხოლოდ აღრმავებს საქართველოს თვითიზოლაციას", — ნათქვამია გავრცელებულ განცხადებაში.

გერმანიამ ელჩი პეტერ ფიშერი საქართველოდან კონსულტაციებისთვის 19 ოქტომბერს გაიწვია. მათი განმარტებით, მათი ამ გადაწყვეტილების მიზეზი საქართველოს ხელისუფლების მიერ ევროკავშირის, გერმანიის და პირადად ელჩის წინააღმდეგ გაკეთებული განცხადებებია.