გერმანიამ ელჩი პეტერ ფიშერი საქართველოდან კონსულტაციებისთვის გაიწვია. ამის შესახებ ინფორმაციას გერმანიის საგარეო საქმეთა სამინისტრო ავრცელებს.

მათი განმარტებით, მათი ამ გადაწყვეტილების მიზეზი საქართველოს ხელისუფლების მიერ ევროკავშირის, გერმანიის და პირადად ელჩის წინააღმდეგ გაკეთებული განცხადებებია. განცხადებაში ასევე აღნიშნულია, რომ ხვალ, 20 ოქტომბერს ევროკავშირის საგარეო საქმეთა საბჭო საქართველოსთან დაკავშირებულ ვითარებას განიხილავს.

"ბევრი თვის განმავლობაში საქართველოს ხელისუფლება აქტიურად გამოდიოდა ევროკავშირის, გერმანიისა და პირადად გერმანიის ელჩ ფიშერის წინააღმდეგ.

ამის გამო, გერმანიის საგარეო საქმეთა სამინისტრომ მიიღო გადაწყვეტილება, რომ ელჩი ფიშერი გამოიძახოს კონსულტაციებისთვის — რათა განისაზღვროს, როგორ გაგრძელდება მოქმედება ამ საკითხთან დაკავშირებით.

ხვალ კი ევროკავშირის საგარეო საქმეთა საბჭო განიხილავს საქართველოსთან დაკავშირებულ ვითარებას", — წერია გავრცელებულ განცხადებაში.