თბილისის მერიამ ახალი მსუბუქი ავტომობილების შესაძენად ტენდერი გამოაცხადა — შესყიდვის სავარაუდო ღირებულება კი 7 412 300 ლარია. Bpn.ge სატენდერო დოკუმენტაციაზე დაყრდნობით წერს, რომ ტენდერში წინადადებების მიღება 17 სექტემბერს დაიწყება და 22 სექტემბერს დასრულდება.

დოკუმენტაციის მიხედვით, მერია 100 ერთეული მსუბუქი ავტომობილის შეძენას გეგმავს, რაც ნიშნავს, რომ ბიუჯეტს ერთი მანქანის შეძენა დაახლოებით, 74 ათასი ლარი დაუჯდება.

ტექნიკური პარამეტრების მიხედვით, ავტომობილი უნდა იყოს აუცილებლად 2025 წელს გამოშვებული, ჰიბრიდი, მარცხენასაჭიანი, მინიმუმ 50 კმ-ს გარბენით. რაც შეეხება ფერს, დოკუმენტაციაში აღნიშნულია, რომ ის შემსყიდველთან შეთანხმებით გადაწყდება.