ოკუპირებული ცხინვალის რეგიონში არცევის ოლქის ე.წ. შინაგან საქმეთა დეპარტამენტის თანამშრომლებმა სამხრეთ ოსეთის ე.წ. საზღვრის უკანონოდ კვეთისთვის 1992 წელს დაბადებული საქართველოს მოქალაქე დააკავეს. ინფორმაციას ოკუპირებული სამხრეთ ოსეთის ე.წ. შინაგან საქმეთა სამინისტრო ავრცელებს.

"საზოგადოებრივი წესრიგის დასაცავად ჩატარებული ღონისძიებების დროს, ცხინვალის ოლქის შინაგან საქმეთა დეპარტამენტის არცევსკის ოლქის შინაგან საქმეთა დეპარტამენტის თანამშრომლებმა დააკავეს სამხრეთ ოსეთის სახელმწიფო საზღვრის უკანონოდ გადაკვეთის გამო მამაკაცი.

სახელმწიფო საზღვრის დამრღვევი სამართალდამცავებმა გუშინ საღამოს, სოფელ არცევის ტერიტორიაზე პატრულირებისას დააკავეს.

მამაკაცის ვინაობა დადგენილია; ის 1992 წელს დაბადებული საქართველოს მოქალაქეა.

დაკავებული სამხრეთ ოსეთის რესპუბლიკის სახელმწიფო უსაფრთხოების კომიტეტს გადასცეს", — ნათქვამია გავრცელებულ ინფორმაციაში.