ოცნების ხელისუფლების ახლად დანიშნულ განათლების მინისტრს, გივი მიქანაძეს ამსტერდამის თავისუფალ უნივერსიტეტში დოქტორის ხარისხი არ მიუღია, იმის მიუხედავად, რომ ოცნების პრემიერმა ამის გამო შეაქო, წერს OC Media.

კობახიძემ მიქანაძის ქვეყნის ახალ განათლების მინისტრად დანიშვნის შესახებ 30 ივნისს განაცხადა.

"მას აქვს ღრმა აკადემიური განათლება, არის იურისტი, დამთავრებული აქვს თბილისის სახელმწიფო უნივერსიტეტი, ასევე დიდ ბრიტანეთში, ინგლისში ესექსის უნივერსიტეტი. სადოქტორო დისერტაცია აქვს დაცული ამსტერდამის თავისუფალ უნივერსიტეტში", — განაცხადა კობახიძემ პრესკონფერენციაზე და ხაზი გაუსვა მიქანაძის აკადემიურ კვალიფიკაციას.

მიქანაძის საჯაროდ ხელმისაწვდომ ბიოგრაფიაში, რომელიც განათლების სამინისტროს ვებსაიტზეა განთავსებული — სადაც მისი ნიდერლანდების დოქტორის ხარისხი არ არის ნახსენები — ნათქვამია, რომ 2013 წელს იყო ამსტერდამის თავისუფალი უნივერსიტეტისა და ნიდერლანდების დანაშაულისა და ძალოვანი სტრუქტურების კვლევითი ცენტრის (ნიდერლანდები) მკვლევარი.

ბიოგრაფიაში ასევე მითითებულია, რომ მიქანაძე 2025 წლის მდგომარეობით გრიგოლ რობაქიძის უნივერსიტეტის დოქტორანტია.

თუმცა, ინსტიტუტის წარმომადგენელმა OC Media-ს განუცხადა, რომ მიუხედავად იმისა, რომ მიქანაძე 2010-იანი წლების შუა პერიოდში ამსტერდამის თავისუფალ უნივერსიტეტში არარეზიდენტ დოქტორანტად იყო რეგისტრირებული, მას დოქტორანტურა არასოდეს დაუმთავრებია.

წყაროს თქმით, მან საქართველოში სამუდამო პატიმრობის პირობითი ზედამხედველობის შესახებ დისერტაციის მხოლოდ რამდენიმე თავი წარადგინა.

კობახიძის განცხადების გარდა, მიქანაძის სავარაუდო დოქტორანტურის შესახებ მითითებები გვხვდება მის LinkedIn გვერდზე და Wikipedia-ს ჩანაწერში.

Wikipedia-ს ჩანაწერში მისი დისერტაციის სათაურია "პირობით ვადამდე გათავისუფლების სისტემა საქართველოში".

LinkedIn-ზე განთავსებული ინფორმაციის თანახმად, მან 2013-დან 2017 წლამდე დოქტორანტურა გაიარა ამსტერდამის თავისუფალ უნივერსიტეტში, პერიოდი, რომლის განმავლობაშიც ის ასევე დასაქმებული იყო ევროპის საბჭოში. შემდეგ მან კარიერა განაგრძო შინაგან საქმეთა სამინისტროში, შემდეგ კი პარტია ქართულ ოცნებაში.

არც განათლების სამინისტრომ და არც მიქანაძემ კომენტარზე არ გვიპასუხა.

მიქანაძე ივნისში დაინიშნა მას შემდეგ, რაც მისმა წინამორბედმა, ალექსანდრე წულაძემ, თანამდებობაზე დანიშვნიდან სულ რაღაც ცხრა თვეში, Facebook-ზე გამოქვეყნებული პოსტით ახსნა-განმარტების გარეშე დატოვა თანამდებობა.

მიქანაძის დანიშვნას სკანდალის გარეშე არ ჩაუვლია განსაკუთრებით მისი ერთიანი ნაციონალური მოძრაობის (ენმ) მთავრობაში ყოფნის გამო, რომელსაც ქართული ოცნება ხშირად "კრიმინალურ რეჟიმს" უწოდებს.

სამინისტროს იმდროინდელი პრესრელიზის თანახმად, 2005 წლიდან 2008 წლამდე ის იუსტიციის მინისტრის მოადგილის თანამდებობას იკავებდა და სასჯელაღსრულების სისტემის რეფორმებს კურირებდა. ერთიანმა ნაციონალურმა მოძრაობამ კრიტიკოსების, მათ შორის ქართული ოცნების მხრიდან არაერთი წინააღმდეგობა წააწყდა სასჯელაღსრულების სისტემის მართვასთან დაკავშირებით, განსაკუთრებით პატიმრების მიმართ მოპყრობასთან დაკავშირებით. პატიმრების სექსუალური ძალადობის სკანდალი მათ ხელისუფლებიდან ძირითად მიზეზად მიიჩნევა.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.