ჯიფსი გიენ-კაიზერი: მზია გაუმართლებელ პატიმრობაშია — როგორც სიმართლესა და ძალაუფლებას შორის ბრძოლის მსხვერპლი

14 Jul. 2025, 11:02

მოგესალმებით, მე ჯიფსი გიენ-კაიზერ ვარ და წარმოვადგენ ჟურნალისტების დაცვის კომიტეტს, არაკომერციულ, არაპარტიულ ორგანიზაციას, რომელიც მთელ მსოფლიოში მუშაობს პრესის თავისუფლების დასაცავად.

დღეს მე აქ ვარ ჩემს კოლეგებთან ერთად, რადგან ჩემს უკან დგას ქალი, რომელსაც თავისუფლება ჩამოერთვა და რომლის ჯანმრთელობაც რისკის ქვეშაა. აქ რუსთავის ქალთა კოლონიაში, მე-5 დაწესებულებაში დგას მზია ამაღლობელი, მტკიცედ დამოუკიდებელი ჟურნალისტი, რომელმაც დააარსა "ნეტგაზეთი" და "ბათუმელები". თითქმის 26 წლის განმავლობაში, მზიას ჟურნალისტიკა საზოგადოებას აძლიერებდა და ხელისუფლების ზოგიერთ წრეში დისკომფორტს იწვევდა. დღეს აქ ვართ, რათა მზიას ვაცნობოთ, რომ ის მარტო არ არის. მაშინ, როცა ის შეთითხნილი ბრალდებებით უსამართლო პატიმრობას იტანს, რის გამოც შესაძლოა 7 წლამდე ციხეში მოხვდეს, მხედველობა დაკარგოს.

რა აღმაშფოთებელი უსამართლობაა, რომ ეს ჟურნალისტი, რომელიც სინათლის შუქურად გვევლინებოდა, მხედველობას კარგავს, მაშინ როცა პოლიციელები, რომლებმაც მომიტინგეებზე გაუგონრად იძალადეს, არაფრით ისჯებიან.

ჟურნალისტთა დაცვის კომიტეტში ჩვენ ვიცით, რომ მზია ამ კედლებს მიღმა გაუმართლებელ წინასწარ პატიმრობაშია — როგორც სიმართლესა და ძალაუფლებას შორის ბრძოლის მსხვერპლი. ეს ბრძოლა გლობალურია და სულ უფრო მეტად გადაუდებელი ხდება იმ პერიოდში, როდესაც ინფორმაცია მანიპულაციის ქვეშაა, ხოლო ჟურნალისტებს, რომლებიც სიმართლეს აჩვენებენ, აშავებენ და წარმოსახავენ როგორც ბოროტი განზრახვების მქონე მავნე ფიგურებს. მზია, შენს ყველაზე ბნელ წუთებში ჩვენ შენს გვერდით ვართ.

ბოლო ამბები: