"[ბათუმში] მზია ამაღლობელი უნდა იყოს მერობის კანდიდატი, ეს ჩემი მოსაზრებაა. თბილისში სალომე ზურაბიშვილი", — ამის შესახებ პოლიტოლოგმა, პაატა ზაქარეიშვილმა "პალიტრანიუსთან" საუბრისას განაცხადა.

მისი თქმით, "ციხეში მყოფი ადამიანი ყოველთვის იმარჯვებს ხოლმე, მსოფლიოში ასეთი გამოცდილებაა".

"შეიძლება იყოს მზია ამაღლობელი, ციხეში მყოფი ადამიანი ყოველთვის იმარჯვებს ხოლმე, მსოფლიოში ასეთი გამოცდილება არის. მზია ამაღლობელი უნდა იყოს, როგორც მერობის კანდიდატი, ეს ჩემი მოსაზრებაა. თბილისში სალომე ზურაბიშვილი. ფანტასტიკური კანდიდატია. მას შეუძლია გახდეს მილიონიანი ქალაქის მერი. დაცული ხარ 5 წლით, აბსოლუტურად, ხელს ვერავინ გახლებს", — თქვა ცაგარეიშვილმა.

მისი თქმით, დებატებია საჭირო იმისთვის, რომ ამომრჩეველმა მიიღოს გადაწყვეტილება მივიდეს არჩევნებზე, თუ არა.

"დებატები საჭიროა იმისთვის, რომ ამომრჩეველმა მიიღოს გადაწყვეტილება. უნდა მივიდნენ არჩევნებზე და ხმა მისცენ იმ 4 პარტიიდან, ვინც გავა იმას, თუ არ მივიდნენ არჩევნებზე და დაუჯერონ მათ, ვინც ბოიკოტს აცხადებს. მათ რისი ეშინიათ? იციან, რომ არჩევნებს წააგებენ. ამიტომ, ოპოზიციას წაგების ეშინია. წინასწარ წაგებულ არჩევნებში შესვლა არ უნდათ. ვინც ბოიკოტზე ლაპარაკობს, მას წაგების ეშინია. მათ ძლიერი ამომრჩეველი ჰყავთ, მათი ამომრჩევლის დიდი ნაწილი დიდი ხანია მოდის მათთან ერთად. ამიტომ, ისინი დარწმუნებული არიან, რომ თუ საყოველთაო ბოიკოტი გამოვიდა, 2028 წლისთვის ივანიშვილის ოცნება შუა გაიკრიფება და დარჩება მსხვილი პარტიები, რომლებსაც შერჩებათ გარკვეული რესურსები. მათ ახლა ყელში ჰყავთ გაჩხერილი ეს ახლად გამოჩეკილი პარტიები: ლელო, გახარია და ა.შ. ამიტომ, მათ ეშინიათ კონკურენციაში შესვლის, თუმცა არა ქართულ ოცნებასთან. მათი პრობლემა არის კონკურენცია გაუწიონ არა ქართულ ოცნებას, არამედ კონკურენცია გაუწიონ გახარიას და "ლელოს", — განაცხადა ზაქარეიშვილმა.