უნგრეთი სისხლის სამართლის საერთაშორისო სასამართლოს ტოვებს, — ამის შესახებ უნგრეთის მთავრობის პრესსპიკერი, ზოლტან კოვაჩი X-ზე წერს. მისი თქმით, ამის შესახებ განცხადება უნგრეთის პრემიერმინისტრის, ვიქტორ ორბანის აპარატის ხელმძღვანელმა გააკეთა.

"უნგრეთი სისხლის სამართლის საერთაშორისო სასამართლოს დატოვებს. მინისტრმა გერგელი გულიასმა განაცხადა, რომ მთავრობამ მიიღო გადაწყვეტილება ICC-დან გასვლის შესახებ.

გასვლის პროცესი ხუთშაბათს დაიწყება, უნგრეთის კონსტიტუციური და საერთაშორისო სამართლებრივი ვალდებულებების შესაბამისად", — წერს ზოლტან კოვაჩი.

შეგახსენებთ, რომ დღეს უნგრეთში ისრაელის პრემიერმინისტრი, ბენიამინ ნეთანიაჰუ ჩავიდა, რომლის დაკავების ორდერიც სისხლის სამართლის საერთაშორისო სასამართლომ 2024 წელს გამოსცა.