ამერიკისა და რუსეთის დელეგაციების მოლაპარაკებები საუდის არაბეთში, აშშ-სა და უკრაინის დელეგაციებს შორის "ტექნიკური" მოლაპარაკების მეორე დღეს დაიწყო.

ინფორმაცია ტელეკომპანია Al Arabiya-მ გაავრცელა.

მათი ცნობით, შეხვედრა დახურულ კარს მიღმა, მდიდრული სასტუმრო Ritz-Carlton-ის შენობაში მიმდინარეობს.

რუსეთს წარმოადგენენ ფედერაციის საბჭოს საერთაშორისო კომიტეტის ხელმძღვანელი გრიგორი კარასინი და რუსეთის უშიშროების ფედერალური სამსახურის დირექტორის მრჩეველი სერგეი ბესედა.

Reuters-ი ინფორმირებულ წყაროზე დაყრდნობით იუწყება, რომ ამერიკულ მხარეს ხელმძღვანელობენ თეთრი სახლის ეროვნული უსაფრთხოების საბჭოს უფროსი დირექტორი, ენდრიუ პიკი და სახელმწიფო დეპარტამენტის მაღალჩინოსანი, მაიკლ ანტონი.

მანამდე, ამერიკისა და უკრაინის დელეგაციამ დისკუსია რიადში 23 მარტს, გამართა.

უკრაინის საგარეო საქმეთა სამინისტრომ განაცხადა, რომ ამ შეხვედრაზე უნდა განისაზღვროს წინადადებების პარამეტრები ცეცხლის შეწყვეტის სხვადასხვა რეჟიმის შესახებ, რომლებიც დღის წესრიგშია.

დისკუსიამდე თავდაცვის მინისტრმა რუსტემ უმეროვმა, რომელიც უკრაინის დელეგაციაში იყო, განაცხადა, რომ შეხვედრა ძირითადად ტექნიკური იქნება და უკრაინის დელეგაციაში შევლენ ენერგეტიკის ექსპერტები და სამხედრო პერსონალი საზღვაო და საჰაერო კომპონენტებიდან.

მოლაპარაკების შემდეგ უმეროვმა განაცხადა, რომ საუბარი საუდის არაბეთში ამერიკულ დელეგაციასთან იყო "პროდუქტიული და ორიენტირებული".

აშშ-ის პრეზიდენტის სპეციალურმა წარმომადგენელმა სტივ უიტკოვმა, საუდის არაბეთში უკრაინასა და აშშ-ს შორის მოსალოდნელი მოლაპარაკებების წინ, კიდევ ერთხელ თქვა, რომ მას სჯერა რუსეთის ლიდერის მშვიდობისმოყვარეობისა და არ ხედავს რუსეთს, როგორც საფრთხეს დანარჩენი ევროპისთვის.

ამავე თემაზე:

პუტინი-ტრამპის სატელეფონო საუბარს კრემლი გამოეხმაურა - რა წერია განცხადებაში

რაზე ისაუბრეს პუტინმა და ტრამპმა სატელეფონო საუბრისას?

დონალდ ტრამპი: მოუთმენლად ველი ზარს პრეზიდენტ პუტინთან

პუტინი: თუ უკრაინელი ჯარისკაცები დაყრიან იარაღს და ტყვედ ჩაგვბარდებიან, მათ გარანტირებული ექნებათ სიცოცხლე

პესკოვის თქმით, პუტინმა ტრამპს სტივ უიტკოფის გავლით ინფორმაცია და დამატებითი სიგნალები გაუგზავნა

დონალდ ტრამპი: პუტინმა ძალიან დამაიმედებელი განცხადება გააკეთა, თუმცა არა სრულყოფილი

ტრამპის წარმომადგენელი, სტივ უიტკოფი ცეცხლის შეწყვეტის მოლაპარაკებისთვის მოსკოვში ჩავიდა

Reuters: რუსეთმა აშშ-ს უკრაინაში ომის დასრულების პირობები წარუდგინა

დონალდ ტრამპი: ფინანსური კუთხით ცუდი რაღაცების გაკეთება შეგვიძლია რუსეთისთვის, რაც გამანადგურებელი იქნება

დონალდ ტრამპის თქმით, აშშ-ის დელეგაცია რუსეთში მიემგზავრება სამშვიდობო მოლაპარაკებებისთვის