ირლანდიის პრემიერმინისტრ მიხოლ მარტინთან ოვალურ კაბინეტში შეხვედრაზე დონალდ ტრამპმა ისაუბრა უკრაინის ომთან დაკავშირებით სამშვიდობო მოლაპარაკებებზე და განაცხადა, რომ მიიღო "პოზიტიური სიგნალები" ცეცხლის პოტენციურ შეწყვეტასთან დაკავშირებით.

"თუმცა პოზიტიური სიგნალები არაფერს ნიშნავს, ეს ძალიან სერიოზული სიტუაციაა. ჩვენი წარმომადგენლები ახლა რუსეთში მიემგზავრებიან. იმედია, რუსეთი ცეცხლის შეწყვეტას დათანხმდება. თუ ამას იზამს, ვფიქრობ, ამ საშინელი სისხლისღვრის 80% დასრულდება", — განაცხადა ტრამპმა

ტრამპმა გამოიყენა შანსი და წინა პრეზიდენტი, ჯო ბაიდენი უკრაინის კონფლიქტის დასრულების უუნარობაში დაადანაშაულა.