რუსეთის პრეზიდენტი ვლადიმერ პუტინი დონალდ ტრამპის მოწოდებას ეხმაურება იმის შესახებ, რომ დაინდოს კურსკში უკრაინელი ჯარისკაცები და შეუნარჩუნოს მათ სიცოცხლე.

პუტინის კომენტარზე რუსული მედია წერს.

რუსეთის პრეზიდენტის თქმით, ამ ყველაფრის ეფექტური რეალიზებისთვის საჭიროა უკრაინის ხელმძღვანელობამ გასცეს ბრძანება, რომ სამხედროებმა დაყარონ იარაღი და ტყვედ ჩაბარდნენ.

"ამასთან დაკავშირებით მინდა ხაზგასმით აღვნიშნო, რომ თუ ისინი დაყრიან იარაღს და ტყვედ ჩაგვბარდებიან, მათთვის გარანტირებული ექნებათ სიცოცხლე და ღირსეული მოპყრობა საერთაშორისო სამართლის ნორმებისა და რუსეთის ფედერაციის კანონების შესაბამისად", — განაცხადა პუტინს.

მისი თქმით, უკრაინელმა ბოევიკებმა ჩაიდინეს მრავალი დანაშაული რუსეთის მშვიდობიანი მოსახლეობის წინააღმდეგ; ტრამპი და მისი ადმინისტრაცია კი ყველაფერს აკეთებენ ურთიერთობების აღსადგენად.

"ახალი ადმინისტრაცია, რომელსაც პრეზიდენტი ტრამპი ხელმძღვანელობს, ყველაფერს აკეთებს იმისათვის, რომ აღადგინოს ის, რაც პრაქტიკულად ნულამდე იყო დაყვანილი, რაც წინა ამერიკულმა ადმინისტრაციამ გაანადგურა", — თქვა პუტინმა.

ერთი დღით ადრე პუტინმა თქვა, რომ ის ზოგადად მხარს უჭერს აშშ-ს მიერ შემოთავაზებულ იდეას უკრაინაში ცეცხლის შეწყვეტის შესახებ, მაგრამ არის ნიუანსები, რომლებიც გასათვალისწინებელია. კერძოდ, მან დააყენა საკითხი უკრაინული შენაერთების შესახებ კურსკის რეგიონში: წავლენ თუ არა ისინი უბრძოლველად, უნდა გაუშვას ისინი რუსეთმა მას შემდეგ, რაც მათ ჩაიდინეს მშვიდობიანი მოსახლეობის წინააღმდეგ, უკრაინის ხელმძღვანელობა მისცემს მათ იარაღის დაყრის ბრძანებას. უცნობია, ვინ გასცემს ბრძანებას საომარი მოქმედებების შეწყვეტის შესახებ და რა იქნება ამის ფასი, თქვა რუსეთის პრეზიდენტმა.

ვლადიმერ პუტინი: თანახმა ვართ ცეცხლის შეწყვეტაზე, მაგრამ არსებობს ნიუანსები