პარლამენტის ადამიანის უფლებათა დაცვის კომიტეტმა საქართველოს საკანონმდებლობოდან ტერმინის "გენდერის" ამოღებას მხარი დაუჭირა. კომიტეტმა მხარი დაუჭირა გენდერული საბჭოების გაუქმებასაც.

"გენდერული თანასწორობის შესახებ" კანონს "ქალისა და მამაკაცის თანასწორების შესახებ" კანონი დაერქმევა. საკანონმდებლო პაკეტი პარლამენტში "ქართული ოცნებისა" და "ხალხის ძალის" დეპუტატებმა დააინიცირეს.

პარლამენტში წარდგენილი პროექტის თანახმად, კანონებში არსებული ჩანაწერი “გენდერული საკითხები“ შეიცვლება ჩანაწერით — "ქალისა და მამაკაცის თანასწორობის საკითხები", ტერმინი "გენდერის ნიშნის შეუწყნარებლობა იცვლება "ქალისა და მამაკაცის თანასწორობისადმი შეუწყნარებლობით", კანონში გამოყენებული სიტყვები "გენდერულად მგრძნობიარე", შეიცვლება სიტყვებით "სქესის ნიშნისადმი მგრძნობიარე" და ასე შემდეგ.