აშშ-ის პრეზიდენტი დონალდ ტრამპი პირველი დასავლელი ლიდერია, რომელმაც საჯაროდ და ხმამაღლა თქვა, რომ უკრაინის კრიზისის ერთ-ერთი ძირითადი მიზეზი უკრაინის ნატოში შეყვანის "თავხედური ხაზია". ეს უკვე იმის ნიშანია, რომ მას ესმის რუსეთის პოზიცია ამ საკითხთან დაკავშირებით, — განაცხადა რუსეთის საგარეო საქმეთა მინისტრმა სერგეი ლავროვმა სახელმწიფო სათათბიროში.

მისი თქმით, რუსეთისთვის "მნიშვნელოვანია არა ცეცხლის შეწყვეტა, რომელიც საშუალებას მისცემს უკრაინას, ხელახლა შეიარაღდეს რუსეთის წინააღმდეგ, არამედ გრძელვადიანი მდგრადი მშვიდობა, რომელიც დაფუძნებულია კონფლიქტის ძირეული მიზეზების აღმოფხვრაზე".

"ის არის პირველი და ჯერჯერობით, ჩემი აზრით, ერთადერთი დასავლელი ლიდერი, რომელმაც საჯაროდ და ხმამაღლა თქვა, რომ უკრაინის სიტუაციის ერთ-ერთი მთავარი მიზეზი არის წინა ადმინისტრაციის თავხედური ხაზი უკრაინის ნატოში შეყვანის შესახებ. ასეთი რამ არც ერთ დასავლელ ლიდერს აქამდე არ უთქვამს. მან კი ეს აზრი გააჟღერა რამდენჯერმე. ეს უკვე იმის სიგნალია, რომ მას ესმის ჩვენი პოზიცია, როცა მასთან სატელეფონო საუბარში პუტინმა კიდევ ერთხელ ხაზგასმით აღნიშნა, რომ ჩვენთვის მნიშვნელოვანია არა ცეცხლის შეწყვეტა, რომელიც საშუალებას მისცემს უკრაინას, ხელახლა შეიარაღდეს ჩვენი ქვეყნის წინააღმდეგ, არამედ გრძელვადიანი მდგრადი მშვიდობა, რომელიც დაფუძნებულია კონფლიქტის ძირეული მიზეზების აღმოფხვრაზე", — თქვა ლავროვმა.