უწყვეტი პროევროპული პროტესტის რიგით მე-80 დღეს რუსთაველის გამზირი ისევ გადაიკეტა — პარლამენტთან მიმდინარე საპროტესტო აქციას შეუერთდნენ საპროტესტო მსვლელობა — "არა რუსულ დიქტატურას" მონაწილეებიც.

ასევე, გზის გადაკეტვის შემდეგ აქციაზე მსვლელობით მოვიდნენ საზოგადოებრივ მაუწყებელთან გამართული საპროტესტო აქციის მონაწილეებიც.

რუსთაველის გამზირი პროტესტის ცენტრად მორიგ ჯერზე 28 ნოემბერს იქცა, როცა ირაკლი კობახიძემ გამოაცხადა ქართული ოცნების გადაწყვეტილება, რომ საქართველოს ევროკავშირში გაწევრების საკითხი 2028 წლამდე შეჩერდეს.