Reuters-ის ცნობით, 4 თებერვალს, NATO-ს ყოფილი გენერალური მდივანი იენს სტოლტენბერგი ნორვეგიის ფინანსთა მინისტრი გახდა.

სტოლტენბერგმა თანამდებობა კაბინეტის ცვლილებების ფარგლებში დაიკავა, რადგან სკანდინავიური ქვეყანა ტრანსატლანტიკური სავაჭრო ომის პოტენციურ გავლენას ხედავს.

ვეტერანი პოლიტიკოსი 2000-2001 და 2005-2013 წლებში ნორვეგიის პრემიერმინისტრი იყო. ის დასავლეთის სამხედრო ალიანსს ათწლეულის განმავლობაში ხელმძღვანელობდა, მათ შორის აშშ-ის პრეზიდენტის, დონალდ ტრამპის პირველი ვადის დროს.

NATO-ში სტოლტენბერგს “ტრამპის მეჩურჩულე” შეარქვეს, რადგან მან დონალდ ტრამპი დაარწმუნა, დარჩენილიყო ალიანსში, მას შემდეგ, რაც აშშ-ს პრეზიდენტი მისი პირველი ვადის განმავლობაში ჩიოდა, რომ NATO ძალიან ცოტას ხარჯავდა თავდაცვაზე და მათ ალიანსიდან გასვლით დაემუქრა.

Reuters წერს, რომ ახალ თანამდებობაზე სტოლტენბერგის დანიშვნამ შესაძლოა გააჩინოს კითხვები ნორვეგიაში სექტემერში დაგეგმილი საპარლამენტო არჩევნების წინ.

"ეს გუნდი მზად არის უხელმძღვანელოს ნორვეგიას მნიშვნელოვან დროს [...] ჩვენ გამოვიყენებთ პოლიტიკას, რომელიც მნიშვნელოვანია ადამიანების ყოველდღიურ ცხოვრებაში და [ჩვენ] ვიცით მსოფლიოში არსებული არასტაბილურობის შესახებ, რომლითაც ნორვეგია, როგორც პატარა ქვეყანა, განიცდის გავლენას” — განუცხადა პრემიერინისტრმა იონას გაჰრ შტოერმა ჟურნალისტებს.