მზია ამაღლობელი მე-15 დღეა შიმშილობს, მისთვის საპატიმრო აღკვეთის ღონისძიების შეფარდება საერთოდ გაუგონარი იყო, მაგრამ სისტემას შეეძლო, ის გარეთ დაეტოვებინა, მაგრამ ძალადობის გარდა სხვა არგუმენტი სისტემას არ აქვს, — ამის შესახებ პარტია გახარია საქართველოსთვის ლიდერმა, გიორგი გახარიამ ფორმულას ეთერში განაცხადა.

მისი თქმით, მასზეც ამ სისტემამ მოაწყო თავდასხმა და თუ ინდივიდუალურად „მოვთხოვთ ხელისუფლებას პასუხს, ამის ეფექტი ძალიან პატარა იქნება. ამიტომ ერთმანეთს გვერდით დაუდგეთ და ერთად ვიბრძოლოთ სამართლიანობის აღდგენისთვის“

"ეს იყო წინასწარ დაგეგმილი, ორგანიზებული თავდასხმა ჯგუფურიო შეიარაღებული ხალხის და ამ თავდასხმის დამკვეთი გახლავთ ბიძინა ივანიშვილი. და ეს არის ჩვეულებრივი შურისძიება, ამის მეტ აღარც ვაპირებ ამაზე საუბარს, ჩემთვის ეს არის ერთ-ერთ ბევრი ძალადობის ფაქტიდან რაც ბოლო დროის განმავლობაში საქართველოში ხდება. ჩვენ კარგად უნდა გვახსოვდეს, რომ ათობით და ასობით ახალგაზრდაზე, რომელიც თავის აზრს გამოხატავდა იძალადეს ნიღბიანმა ადამიანებმა. ბევრი ადამიანი, მათ შორის რამდენიმე ჩვენი გუნდის წვერიც დღესაც მკურნალობს. უბრალოდ ერთი ოპერაცია არ ეყოთ და მეორე ოპერაციას უტარებენ. ძალადობის სხვადასხვა ფორმას იყენებს რეჟიმი. როცა ძალადობა ხდება მთავარი არგუმენტი შენი ქვეყნის და შენი ხალხის მართის,ე ს უკვე დიაგნოზია და ყველას უნდა გვახსოვდეს, რომ ჩემი პასუხიც და რეაგირება იმაზე რაც მოხდა, ამ თავდასხმაზე, ვეცდები, რომ ეს იყოს ყველა ჩაგრულის ჩაგვრაზე პასუხი. თუ ჩვენ ინდივიდუალურად პასუხი მოვთხოვეთ ხელისუფლებას, ამის ეფექტი ძალიან პატარა იქნება. ამიტომ ჩვენ ყველაფერი უნდა გავაკეთოთ იმისთვის, რომ ერთმანეთს გვერდით დაუდგეთ და ერთმანეთთან ერთად ვიბრძოლოთ სამართლიანობის აღდგენისთვის. აი, მაგალითად ქალბატონი მზია ამაღლობელი, რომელიც მე-15 დღეა შიმშილობს, რომლის საპატიმრო აღკვეთის ღონისძიების შეფარდება საერთოდ გაუგონარი იყო, მაგრამ სისტემას შეეძლო, ის გარეთ დაეტოვებინა, მაგრამ გააკეთეს ის, რაც გააკეთეს. იმიტომ, რომ ძალადობის გარდა სხვა არგუმენტი სისტემას არ აქვს. ჩემზეც ამ სისტემამ მოაწყო თავდასხმა", — თქვა გიორგი გახარიამ ფორმულას ეთერში.