რუსეთ-უკრაინის ომის მიმდინარეობა არ არის დამოკიდებული ნავთობის ფასების რყევებზე. ამის შესახებ ბრიფინგზე რუსეთის პრეზიდენტის პრესმდივანმა, დიმიტრი პესკოვმა განაცხადა და კომენტარი გააკეთა დონალდ ტრამპის მოწოდებაზე. აშშ-ს პრეზიდენტმა მოსკოვსა და კიევს შორის ომის დასრულების მიზნით, საუდის არაბეთსა და OPEC-ს ნავთობის ფასის შემცირებისკენ მოუწოდა.

"ეს კონფლიქტი არ არის დამოკიდებული ნავთობის ფასებზე. ეს კონფლიქტი ხდება რუსეთის ფედერაციის ეროვნული უსაფრთხოებისთვის", — განაცხადა პესკოვმა.

მან ასევე აღნიშნა, რომ კრემლი მზადაა აშშ-ს ახალ პრეზიდენტთან კონტაქტისთვის და "ელოდება სიგნალებს" ვაშინგტონისგან.

23 იანვარს, დონალდ ტრამპმა დავოსის ეკონომიკურ ფორუმზე ვიდეო ვიდეოჩართვისას საუდის არაბეთსა და OPEC-ის ქვეყნებს ნავთობის ფასის შემცირება მოუწოდა. "თუ ფასი დაეცემა, ომი რუსეთსა და უკრაინას შორის დაუყოვნებლივ შეჩერდება", — თქვა მან. აშშ-ის პრეზიდენტმა ასევე დასძინა, რომ მას სურს უახლოეს მომავალში ვლადიმერ პუტინთან შეხვედრა უკრაინაში ომის შესაჩერებლად.