აშშ-ის პრეზიდენტს დონალდ ტრამპს იმედი აქვს, რომ ჩინეთის პრეზიდენტი სი ძინპინი ამერიკას რუსეთ-უკრაინის ომის შეჩერებაში დაეხმარება. ამის შესახებ აშშ პრეზიდენტმა დავოსში, მსოფლიო ეკონომიკური ფორუმის ყოველწლიურ სხდომაზე ონლაინ გამოსვლისას განაცხადა.

"სი ძინპინმა დამირეკა. ვფიქრობ, ჩვენ კარგი ურთიერთობა გვექნება. ასე იყო ადრეც. ვფიქრობ, ერთად კარგად ვიმუშავებთ და შევთანხმდებით. იმედია, ჩინეთი დაგვეხმარება ომის შეჩერებაში, კერძოდ, რუსეთ-უკრაინის ომის, რადგან ისინი ფლობენ ძალაუფლებას ამ სიტუაციაზე", — აღნიშნა დონალდ ტრამპმა

დონალდ ტრამპმა შეერთებულ შტატებსა და ჩინეთს შორის არსებულ ურთიერთობაზეც ისაუბრა. ის ხაზგასმით აღნიშნავს, რომ ჩინეთისგან სამართლიანობას და სათამაშო მოედანზე თანაბარ პირობებს ითხოვს.

"ერთადერთი, რაც გვინდა, სამართლიანობაა. გვსურს თანაბარი პირობები", — განაცხადა აშშ-ის პრეზიდენტმა.