უკრაინული მედიის მიერ გავრცელებული ინფორმაციით, უკრაინის პრეზიდენტი ვოლოდიმირ ზელენსკი პარიზში ჩავიდა.

გავრცელებული ინფორმაციით, ზელენსკი პარიზის ღვთისმშობლის ტაძრის გახსნის ცერემონიას დაესწრება, ხოლო მანამდე ფრანგ პრეზიდენტს, ემანუელ მაკრონს შეხვდება.

მედიების ცნობით, პარიზში აშშ-ის ახლად არჩეული პრეზიდენტი, დონალდ ტრამპიც იმყოფება, რომელიც შესაძლოა ზელენსკის შეხვდეს, თუმცა ეს ინფორმაცია მხარეებს ოფიციალურად არ დაუდასტურებიათ

ხუთი წლის წინ, ხანძრის შედეგად განადგურებული ნოტრ-დამის რესტავრაცია სულ ცოტა ხნის წინ დასრულდა, ხოლო ოფიციალური გახსნის ცერემონია დღეს საღამოს შედგება, რომელსაც 40-მდე ქვეყნის მთავრობის ლიდერი დაესწრება.