The Telegraph-ის მიერ გავრცელებული ინფორმაციით, რამდენიმე ქვეყანამ, მათ შორის, იტალიამ და ნიდერლანდებმა განაცხადეს, რომ ისრაელის პრემიერმინისტრ ბენიამინ ნეთანიაჰუს და თავდაცვის ყოფილ მინისტრს, იოავ გალანტს დააპატიმრებენ, თუ ისინი მათი ქვეყნის ტერიტორიაზე შევლენ.

"მოგვიწევს მათი დაპატიმრება", — აცხადებს იტალიის თავდაცვის მინისტრი, გვიდო კროზეტო.

როგორც კროზეტო ამბობს, ეს პოლიტიკური არჩევანი არ არის, თუმცა ქვეყანა ჰააგის სასამართლოს წევრია და ვალდებულია, რომ სასამართლოს მიერ გაცემული ორდერებით იმოქმედოს.

ამასთან, ნიდერლანდების მთავრობაშიც აღნიშნეს, რომ იმოქმედებენ დაკავების ორდერის შესაბამისად.

ცნობისთვის, სისხლის სამართლის საერთაშორისო სასამართლომ ისრაელის პრემიერმინისტრის, ბენიამინ ნეთანიაჰუს, ყოფილი თავდაცვის მინისტრის, იოავ გალანდისა და ჰამასის ლიდერის, იბრაჰიმ ალ-მასრის დაკავების ორდერი გამოსცა.

როგორც სასამართოს მოსამართლეებმა განაცხადეს, არსებობს "გონივრული საფუძველი" იმის დასაჯერებლად, რომ მათ სისხლის სამართლის პასუხისმგებლობა ეკისრებათ ისრაელსა და ჰამასს შორის ომის დროს ჩადენილი დანაშაულებისთვის.