რუსეთის პრეზიდენტის პრესსპიკერის, დიმიტრი პესკოვის თქმით, ეს არის "თვისობრივად ახალი ვითარება ამ კონფლიქტში შეერთებული შტატების ჩართვის თვალსაზრისით”.

მისი თქმით, რუსეთის ფედერაციის სიღრმეში ATACMS რაკეტებით თავდასხმის გადაწყვეტილება ნიშნავს დაძაბულობის თვისობრივად ახალ რაუნდს.

"თუ ასეთი გადაწყვეტილებები ნამდვილად იყო ფორმულირებული და დაყვანილი კიევის რეჟიმამდე, მაშინ, რა თქმა უნდა, ეს თვისობრივად ახალი ვითარებაა ამ კონფლიქტში შეერთებული შტატების ჩართვის თვალსაზრისით", — განაცხადა პესკოვმა.

მოსკოვის პოზიცია უნდა იყოს ყველასთვის აბსოლუტურად გასაგები, აღნიშნა პრესსპიკერმა.

"ეს სიგნალები დათვლილი იქნა კოლექტიური დასავლეთის მიერ, ხოლო იყო გაჟღერებული პრეზიდენტის მიერ სანკტ-პეტერბურგში", — აღნიშნა პესკოვმა.

მანამდე, რუსეთის პრეზიდენტმა ვლადიმერ პუტინმა ხაზგასმით აღნიშნა, რომ უკრაინული არმია თვითონ არ არის იმ მდგომარეობაში რომ შეტევები განახორციელოს თანამედროვე დასავლური შორეული დისტანციის შეიარაღებით.

"თუ ეს გადაწყვეტილება მიიღება, ეს ნატოს ქვეყნების, შეერთებული შტატების და ევროპის ქვეყნების უშუალო მონაწილეობას ნიშნავს უკრაინის ომში. ეს მათი პირდაპირი ჩართულობაა, და ეს უკვე, რა თქმა უნდა, მნიშვნელოვნად ცვლის კონფლიქტის აზრს, თვითონ კონფლიქტის ბუნებას", — განაცხადა პუტინმა 12 სექტემბერს.

მისი სიტყვებით, ამ შემთხვევაში რუსეთი "ამ მუქარაზე დაყრდნობით შესაბამის გადაწყვეტილებას მიიღებს".

17 ნოემბერს The New York Times-მა წყაროებზე დაყრდნობით დაწერა, რომ ბაიდენი უკრაინას ნებას რთავს, რუსეთის წინააღმდეგ იარაღი, კერძოდ — შორი მოქმედების ამერიკული ATACMS რაკეტები გამოიყენოს. ვაშინგტონიდან ამ ინფორმაციის ოფიციალური დადასტურება ჯერ არ მომხდარა.