ბაიდენი უკრაინას ნებას რთავს, რუსეთის წინააღმდეგ იარაღი, კერძოდ — შორი მოქმედების ამერიკული ATACMS რაკეტები გამოიყენოს, — ამის შესახებ რამდენიმე წუთის წინ ინფორმაცია NYT-მა და Reuters-მა გაავრცელეს.

მათი ცნობით, საპრეზიდენტო ვადის ამოწურვამდე 2 თვით ადრე, აშშ-ს პრეზიდენტის ჯო ბაიდენის ადმინისტრაციამ გააუქმა შეზღუდვები, რომლებიც უკრაინას რუსეთის ტერიტორიაზე ამერიკული იარაღის გამოყენებას უკრძალავდა და ნება დართო უკრაინას, რომ თავდაცვის გასაძლიერებლად კურსკის რეგიონში გამოიყენოს შორი დისტანციის ამერიკული ტაქტიკურ-ბალისტიკური ATACMS რაკეტები, რომელთა მოქმედების რადიუსი 300 კმ-ზე მეტია.

Reuters წერს, რომ ინფორმაცია ამ საკითხთან დაკავშირებულმა სამი წყაროსგანა აქვთ, რაც მნიშვნელოვანი ცვლილებაა აშშ-ს პოლიტიკაში უკრაინა-რუსეთის კონფლიქტში.

სააგენტოს ინფორმაციით, უკრაინა თავისი პირველ შორ მანძილზე შეტევებს რუსეთის წინააღმდეგ უახლოეს დღეებში განახორციელებს.