რუსი დეპუტატი ასტრახანის ოლქიდან, იგორ მარტინოვი ფეისბუქის საკუთარ გვერდზე წერს, რომ საკონტროლო-გამშვებ პუნქტ "სადახლოზე", მას ქართველმა მესაზღვრეებმა ქვეყანაში შემოსვლის უფლება არ მისცეს და უკან გააბრუნეს.

მარტინოვი ამბობს, რომ მესაზღვრეებმა ის ოჯახთან ერთად უკან გააბრუნა, მანქანა ერევანში დატოვა, რუსეთში კი ერევნიდან თვითმფრინავით გაემგზავრა.

მარტინოვი ერევანში საქართველოს გავლით, მანქანით ჩავიდა. ის 7 აგვისტოს თბილისში იმყოფებოდა.

მარტინოვის საზღვარზე არშეშვება, სავარაუდოდ, რამდენიმე წლის წინ, დეპუტატის ცხინვალში ვიზიტსა და ოკუპირებული ტერიტორიების შესახებ საქართველოს კანონის დარღვევას უკავშირდება. გამოცემა InterFax წერს, რომ იგორ მარტიოვი რამდენიმე წლის წინ, ფედერაციის საბჭოში მუშაობის დროს, იმ ჯგუფის შემადგენლობაში იყო, რომელიც ოკუპირებულ ცხინვალის რეგიონთან რუსეთის შეთანხმებაზე მოკავშირეობისა და ინტეგრაციის შესახებ შეთანხმების საკანონმდებლო უზრუნველყოფაზე მუშაობდა.