UEFA-მ რუსეთის ფეხბურთის გაერთიანების წინააღმდეგ, დისციპლინარული სამართალწარმოება დაიწყო, მას შემდეგ რაც ევრო 2016-ის მატჩზე, რუსეთ-ინგლისის ნაკრებების თამაშის შემდეგ, ფანების დაპირისპირება მოხდა. ამის შესახებ BBC იუწყება.

რუსეთის წინააღმდეგ სარჩელი მოიცავს, სტადიონზე არეულობის მოწყობას, რასისტულ ქცევასა და მაშხალების გამოყენებას.

ოფიციალური ინფორმაციით, არანაირი გადაწყვეტილება არ მიუღიათ ინგლისის ფეხბურთის ასოციაციის წინააღმდეგ.

სანქციების შესახებ გადაწყვეტილებას სამშაბათის შეხვედრაზე მიიღებენ.

ინგლისი-რუსეთის მატჩის შემდეგ, ინგლისისა და რუსეთის ფანები დაუპირისპირდნენ ერთმანეთს. რამდენიმე ბრიტანელი საავადმყოფოში გადაიყვანეს. საფრანგეთის პოლიციის განცხადებით, ერთ-ერთი მათგანი მძიმედაა დაშავებული.