პუტინმა და კიმ ჩენ ინმა ხელი მოაწერეს "ყოვლისმომცველი პარტნიორობის
შეთანხმებას. სადაც წერია, რომ ერთ-ერთ მხარეზე შეიარაღებული თავდასხმის შემთხვევაში, მეორე იღებს ვალდებულებას, დაუყოვნებლივ უზრუნველყოს „სამხედრო და სხვა დახმარება მის ხელთ არსებული ყველა საშუალებით, — ამის შესახებ რუსული გამოცემა მედუზა წერს და სვამს კითხვას: აპირებს თუ არა ჩრდილოეთ კორეა ომს უკრაინის წინააღმდეგ?

გამოცემა წერს, რომ კორეის ცენტრალურმა საინფორმაციო სააგენტომ (KCNA) გამოაქვეყნა ყოვლისმომცველი სტრატეგიული პარტნიორობის შეთანხმების სრული ტექსტი, რომელსაც ხელი მოაწერეს ვლადიმერ პუტინმა და ჩრდილოეთ კორეის ლიდერმა კიმ ჩენ ინმა 19 ივნისს. ეს რუსეთის პრეზიდენტის ჩრდილოეთ კორეაში ვიზიტის დროს მოხდა. პუტინის წინა საქმიანი ვიზიტის დროს, მოსკოვმა და ფხენიანმა ხელი მოაწერეს მეგობრობის, კეთილმეზობლობისა და თანამშრომლობის ხელშეკრულებას.

• ჩრდილოეთ კორეასა და რუსეთის ფედერაციას შორის ახალი შეთანხმების პირველ რამდენიმე მუხლში რეალურად საუბარია ორ ქვეყანას შორის სამხედრო ალიანსის დადებაზე:
• შეიარაღებული აგრესიის საფრთხის შემთხვევაში ქვეყნები შეთანხმდნენ, დაეხმარონ ერთმანეთს და კოორდინაცია გაუწიონ ქმედებებს;
• ერთ-ერთ მხარეზე შეიარაღებული თავდასხმის შემთხვევაში, მეორე იღებს ვალდებულებას, დაუყოვნებლივ უზრუნველყოს „სამხედრო და სხვა დახმარება მის ხელთ არსებული ყველა საშუალებით“;
• მხარეები იღებენ ვალდებულებას, არ დადონ შეთანხმებები სხვა ქვეყნებთან, რომლებიც მიმართულია ჩრდილოეთ კორეისა და რუსეთის წინააღმდეგ და არ დაუშვან მათი ტერიტორიის მოკავშირეზე თავდასხმისთვის გამოყენება.

როგორც სამხრეთ კორეის სააგენტო Yonhap-მა აღნიშნა, ახალი ხელშეკრულებიდან სამხედრო დახმარების გაწევის შესახებ ტექსტი თითქმის სიტყვასიტყვით იმეორებს 1961 წელს ჩრდილოეთ კორეასა და სსრკ-ს შორის დადებული მეგობრობის, თანამშრომლობისა და ურთიერთდახმარების ხელშეკრულების პირველი მუხლის ფორმულირებას.

გამოცემა წერა, რომ გაუგებარია, თუმცა ეს შეიძლება ნიშნავდეს იმას, რომ ფხენიანი მზადაა ღიად ჩაებას უკრაინის წინააღმდეგ ომში რუსეთის ფედერაციის მხარეს.

მედუზა წერს, რომ საიდუმლო შეთანხმება ჩრდილოეთ კორეის იარაღის რუსეთში მიწოდების შესახებ, სავარაუდოდ, 2023 წლის ივლისის ბოლოს სერგეი შოიგუს ფხენიანში ვიზიტის დროს დაიდო. უკვე აგვისტოში დაიწყო მისი საკონტეინერო ტრანსპორტირება რასონის პორტიდან აღმოსავლეთ სანაპიროზე, იქიდან კონტეინერები სარკინიგზო გზით გაგზავნეს საბრძოლო მასალის საცავში, კრასნოდარის მხარეში, ტიხორეცკთან. ამრიგად, წარმოიშვა ვარაუდი (რაც დაადასტურა დასავლურმა და სამხრეთ კორეის დაზვერვამ), რომ ტვირთის უმეტესი ნაწილი 152 და 122 მმ კალიბრის საარტილერიო ჭურვებისგან შედგებოდა, აგრეთვე უმართავი რაკეტებისგან.

ფხენიანის მიერ მიწოდებული ჭურვების ზუსტი რაოდენობა უცნობია. 2023 წლის ნოემბრის ბოლოს შეფასებით, რუსეთის ფედერაციაში უკვე იმპორტირებული ორი ათასი კონტეინერი შეიძლება შეიცავდეს 500 ათასამდე. 2024 წლის მაისისთვის, სამხრეთ კორეის დაზვერვის მონაცემებით, რუსეთში გაიგზავნა 6,7 ათასი კონტეინერი. დაზვერვის აზრით, ისინი შეიცავდა სამი მილიონი 152 მმ კალიბრის და 500 ათასი 122 მმ კალიბრის ჭურვებს.

ამას გარდა, ჩრდილოეთ კორეა და რუსეთის ფედერაცია შეთანხმდნენ, "გაცვალონ გამოცდილება და მოსაზრებები კანონების მიღებისა და გამოყენების სფეროში".