"მე არაფერი არ გამირევია, მაგრამ ვინც გაურია ის ამტკიცებს, რომ კანონის სრული დაცვით გააკეთა ეს", — ასე გამოეხმაურა ფორმულას ჟურნალისტთან საუბრისას ოცნების დეპუტატი თენგიზ შარმანაშვილის BBC-ის გამოძიებას, სადაც ნათქვამია, რომ "ქართულმა ოცნებამ გასული წლის საპროტესტო აქციების დასაშლელად მოქალაქეების წინააღმდეგ პირველი მსოფლიო ომის ქიმიური იარაღი გამოიყენა".

შარმანაშვილი აცხადებს, რომ "გადაამოწმონ და თუ დადასტურდება, რაც უნდა ის უქნიათ", თავად მოსთხოვს მთავრობას, "ვინც ამაშია გარეული, დაასანქცირონ კი არა, დააპატიმრონ დაუყოვნებლივ".

"მე არაფერი არ გამირევია, მაგრამ ვინც გაურია ის ამტკიცებს, რომ კანონის სრული დაცვით გააკეთა ეს. გადაამოწმონ და თუ დადასტურდება, რაც უნდა ის უქნიათ. მე თვითონაც დავაძალებ ჩემს მთავრობას, ვინც ამაშია გარეული, დაასანქცირონ კი არა, დააპატიმრონ დაუყოვნებლივ, მაგრამ დარწმუნებული ვარ, რომ ეს დიდი ტყუილი, რომელიც მათ გამოაცხვეს თავის ჭკუაში დამთავრება ძალიან ცუდად მათთვის, ისევე როგორც დამთავრდა სტრასბურგში და ყველა ის მიმართვა საერთაშორისო სასამართლოებში, სადაც ყალბი ნარატივებით მივიდნენ", — განაცხადა შარმანაშვილმა.