სენატის უმრავლესობის ლიდერმა, ჯონ თუნმა უარი უთხრა წარმომადგენელთა პალატის სპიკერს, მაიკ ჯონსონს, რომ დაეწყო სანქციების კანონპროექტის განხილვა, რომელიც საქართველოში პრორუსულ და ანტიდემოკრატიულ ფიგურებს იღებს მიზანში, — ამის შესახებ ამერიკული გამოცემა The Hill წერს.

ჯონსონს სურდა, რომ "MEGOBARI აქტი" აშშ-ის ეროვნული თავდაცვის ავტორიზაციის აქტში (NDAA) ჩაერთო. გამოცემა წერს, რომ "MEGOBARI აქტს", რომელსაც ფართო მხარდაჭერა აქვს როგორც სენატში, ასევე პალატაში, აშშ-ის პრეზიდენტს ავალდებულებს, დააწესოს სანქციები პირებზე, რომლებიც საქართველოს უსაფრთხოებასა და სტაბილურობას აკნინებენ.

The Hill წერს, რომ ეს უკვე მეორე შემთხვევაა სამი თვის განმავლობაში, როცა თუნმა "MEGOBARI აქტის" NDAA-ში ჩართვა დაბლოკა.

"ვფიქრობდით, რომ კანონპროექტი სექტემბერში თუნის უარის შემდეგ გაუქმდა. ბოლო წუთამდე ვეცადეთ მის ჩასმას NDAA-ში სპიკერის მოთხოვნის საფუძველზე, მაგრამ თუნის წინააღმდეგობა ვერ დავძლიეთ," — განაცხადა კონგრესის აპარატის თანამშრომელმა.

მანამდე თუნმა "MEGOBARI აქტში" NDAA-ში ჩართვა კიდევ ერთ რესპუბლიკელ სენატორ მარკუეინ მალინის თხოვნით დაბლოკა, რამაც კანონპროექტის ორპარტიული მხარდამჭერები და დემოკრატიის მხარდამჭერი აქტივისტები გააკვირვა.

მალინმა 2020 წელს ქართული ოცნება დაადანაშაულა "აშშ-ის მტრულ ძალებთან და მოწინააღმდეგეებთან" დაახლოებაში, თუმცა სექტემბერში მან The Hill-ს განუცხადა, რომ კარგი ურთიერთობა აქვს ოცნების ხელისუფლების პრემიერმინისტრ ირაკლი კობახიძესთან და სურს მათთან თანამშრომლობს აცადოს.

"მინდა, მათთან თანამშრომლობით ვცადო მუშაობა, მანამდე სანამ სანქციებს დავადებთ. მინდა დავინახო, როგორ შეძლებენ რეალური სუვერენიტეტის განმტკიცებას, რათა გათავისუფლდნენ რუსეთის გადაჭარბებული გავლენისგან," — უთხრა მან მედიას.

თუმცა, მის კოლეგებს ოცნება არც ღირსეულ და არც სანდო პარტნიორად არ მიაჩნიათ. ამერიკული გამოცემა ასევე წერს, რომ ტრამპის ადმინისტრაციამ არ მოხსნა ბაიდენის პერიოდში დაწესებული სანქციები ქართული ოცნების ოფიციალური პირების მიმართ, მაგრამ არც ახალ სანქციებს აწესებს და არც რაიმე ზომებს იღებს.

მეტი MEGOBARI აქტის შესახებ: