უკრაინული დრონის აფეთქებამ ოკუპირებული ყირიმის უდიდეს ნავთობბაზაზე ხანძარი გამოიწვია. საოკუპაციო ხელისუფლებამ საგანგებო სიტუაცია გამოაცხადა.

უკრაინის არმიამ ფეოდოსიის ბაზაზე თავდასხმა დაადასტურა და აღნიშნა, რომ ქარხანა რუსული არმიისთვის ნავთობპროდუქტების წარმოებისათვის გამოიყენებოდა.

თავდაპირველად, თავდასხმის შესახებ ინფორმაცია და პირველი კადრები ტელეგრამ არხმა Baza-მ გაავრცელა. საოკუპაციო რეჟიმის ცნობით, დაღუპულები და დაშავებულები არ არიან.

რუსეთის თავდაცვის სამინისტროს მტკიცებით, ყირიმის თავზე საჰაერო თავდაცვამ 12 უკრაინული დრონი გაანადგურა.