ისრაელის მორიგ იერიშს ღაზას ცენტრალურ ნაწილში სულ მცირე 18 ადამიანი ემსხვერპლა, ინფორმაციას პალესტინის ჯანდაცვის სამსახური ავრცელებს.

სარაკეტო თავდასხმა ამჯერად მეჩეთზე მოხდა, სადაც დევნილები აფარებდნენ თავს, ქალაქ დეირ ალ-ბალაჰში, ალ-აქსას მოწამეების საავადმყოფოს მახლობლად, ნათქვამია საავადმყოფოს განცხადებაში.

ისრაელის სამხედროებს მეჩეთზე თავდასხმის შესახებ კომენტარი არ გაუკეთებიათ.

პალესტინის ჯანდაცვის სამინისტროს ცნობით, ერთი წლის განმავლობაში ისრაელის თავდასხმების შედეგად 42 000 პალესტინელი დაიღუპა.