ადამიანის უფლებების საერთაშორისო ადვოკატი ამალ კლუნი იეზიდი ქალების დაცვას აპირებს, რომლებიც ე.წ. ისლამური სახელმწიფოს მებრძოლების სექსუალური მონობის, გაუპატიურებისა და გენოციდის მსხვერპლნი გახდნენ ირანში. ინფორმაციას კლუნის იურიდიულ ფირმაზე დაყრდნობით Reuters ავრცელებს.

კლუნი ისლამისტური ჯგუფის წინააღმდეგ სისხლის სამართლებრივ დევნას იწყებს, რათა ამხილოს მათი დანაშაული იეზიდური თემის მიმართ.

"მათ მოკლეს ათასობით იეზიდი მოქალაქე და ათასობით იეზიდი ქალი დაიმონეს" - განაცხადა ამალ კლუნიმ.

ISIS-ის შეიარაღებულმა წარმომადგენლებმა 2014 წელს ათასობით იეზიდს ეშმაკის მსახურებაში დასდეს ბრალი, მათი დიდი ნაწილი მოკლეს, ხოლო ნაწილი გააუპატიურეს და დაიმონეს. რელიგიურმა უმცირესობის 400 ათას წარმომადგენელს სახლების დატოვება და ჩრდილოეთ ირანში გადასვლა მოუწია.