ირანის ყოფილი პრეზიდენტი მაჰმუდ აჰმადინეჯადი CNN Turk-თან მიცემულ ინტერვიუში ამბობს, რომ ირანის საიდუმლო სამსახურის განყოფილების ხელმძღვანელი, რომელსაც ირანში მოსადის აგენტების გამოაშკარავება ევალებოდა, თავად იყო ისრაელის აგენტი. მისი თქმით, ირანის მთავრობისთვის ეს ფაქტი ჯერ კიდევ 2021 წელს გახდა ცნობილი.

ირანის ყოფილი პრეზიდენტი ასევე ამტკიცებს, რომ მათი ქვეყნის სადაზვერვოს 20 აგენტი, რომლებსაც ისრაელის წინააღმდეგ მუშაობა და მონიტორინგი ევალებოდათ ასევე ისრაელის (მოსადის) აგენტები იყვნენ.

მაჰმუდ აჰმადინეჯადის თქმით, ორმაგი აგენტები, მაღალი ალბათობით, ისრაელს ირანის ბირთვულ პროგრამაზე მნიშვნელოვან ინფორმაციას აწვდიდნენ.

მათ სავარაუდოდ რამდენიმე ირანელი მეცნიერიც მოკლეს.