ძიუდოს საერთაშორისო ფედერაციამ ქართველი ძიუდოისტი გურამ თუშიშვილი პარიზის ოლიმპიური თამაშების მეოთხედფინალში ტედი რინერთან შეხვედრისას მომხდარი ინციდენტის გამო ექვსთვიანი დისკვალიფიკაციით დასაჯა.

დისკვალიფიკაცია 30 აგვისტოს შევიდა ძალაში და 2025 წლის 25 თებერვლამდე გაგრძელდება, შესაბამისად, სადისციპლინო კომიტეტის გადაწყვეტილებით, გურამ თუშიშვილი საერთაშორისო ტურნირებზე მონაწილეობას ამ დროის განმავლობაში ვერ შეძლებს.

შეგახსენებთ, რომ ორ­თაბ­რძო­ლის და­სას­რულს რი­ნერ­მა თუ­შიშ­ვი­ლი იპონ­ზე და­აგ­დო. 35 წლის ფრანგსა და 29 წლის ქარ­თველს შო­რის სი­ტუ­ა­ცია და­ი­ძა­ბა, რისი მი­ზე­ზიც, სა­ვა­რა­უ­დოდ, რი­ნე­რის პრო­ვო­კა­ცი­უ­ლი ქმე­დე­ბა გახ­და.

ტურნირის ორგანიზატორებმა ქართველი მაშინვე ჩახსნეს ოლიმპიური თამაშებიდან. ძიუდოს საერთაშორისო ფედერაციამ კი მეორე დღიდან სადისციპლინო კომიტეტის განაჩენამდე თუშიშვილს ტურნირებში მონაწილეობა აუკრძალა.

გურამ თუშიშვილი ტოკიოს ოლიმპიადის ვერცხლის მედალოსანი, მსოფ­ლი­ოს 2018 წლი­სა და ევ­რო­პის 2017, 2019 წლე­ბის ჩემ­პი­ო­ნია.