იესო ქრისტეს 33-მეტრიანი ქანდაკება, რომლის მშენებლობაც ატისის მთაზე იგეგმება, 90%-ით დასრულებულია, — ინფორმაციას რადიო თავისუფლების სომხური ბიურო ავრცელებს.

მოქანდაკე პროექტზე ორი წელია მუშაობს. მისი თქმით, კვარცხლბეკთან ერთად, კონსტრუქციის სიმაღლე 95 მეტრი იქნება. თეთრი საღებავით დაფარული ალუმინის ქანდაკება კი 17-20 ტონას იწონის.

ბიზნესმენმა და პოლიტიკური პარტია აყვავებული სომხეთის ლიდერმა გაგიკ წარუკიანმა საკუთარი ინიციატივა, სომხეთში იესო ქრისტეს გიგანტური ქანდაკების მშენებლობის შესახებ, საზოგადოებას რამდენიმე წლის წინ წარუდგინა.

"ასე შევძლებთ, მთელ მსოფლიოს ვაჩვენოთ, რომ ვართ პირველი ქრისტიანული ერი დედამიწაზე. ეს ქანდაკება ჩვენი ქვეყნისა და ხალხის დამცველი უნდა გახდეს", — თქვა წარუკიანმა ჟურნალისტებთან.

წარუკიანის ინიციატივით, ქრისტეს ქანდაკება 33 მეტრი სიმაღლის იქნება, ხოლო პოსტამენტის სიმაღლე — 65 ან 77 მეტრი.