ნობელის პრემიის ლაურეატი*, მუჰამედ იუნუსი ბანგლადეშში ბრუნდება დროებითი მთავრობის სამართავად.

ყოფილი პრემიერ-მინისტრის შეიხ ჰასინას გადადგომის შემდეგ, სტუდენტები აქტიურად მოითხოვდნენ 84 წლის იუნუსის პრემიერ-მინისტრად დანიშვნას.

al- Jazeera - ს ცნობით, იუნუსი, დღეს პირველ შეხვედრას გამართავს ჯარის ლიდერსა და ინდოეთის პრეზიდენტთან.

"დღეს ჩვენთვის დიდებული დღეა [...] ბანგლადეშმა შექმნა თავისი გამარჯვების დღე. ბანგლადეშმა მოიპოვა მეორე დამოუკიდებლობა", განაცხადა იუნუსმა.

წინა თვეში, სტუდენტებმა, ბანგლადეშის ქუჩებში მასობრივი აქციების გამართვა გადაწყვიტეს დასაქმებაზე კვოტირების წესის გაუქმების გამო. პროტესტი მალევე გადაიზარდა ანტისამთავრობო გამოსვლებში, რის შედეგადაც ყოფილ პრემიერს შეიხ ჰასინას, რომელიც ქვეყანას ბოლო 15 წელი მართავდა, ქვეყნის დატოვება სამხედრო თვითმფრინავით მოუწია, მან თავი ინდოეთს შეაფარა. საპროტესტო გამოსვლების პერიოდში 300-ზე მეტი ადამიანი გარდაიცვალა.

*2006 წელს ნობელის სამშვიდობო პრემია მუჰამედ იუნუსსა და მის მიერ დაარსებულ მიკრო-საკრედიტი ბანკ "გრამინს" (Grameen) მიანიჭა; ბანკი "გრამინი" უზრუნველყოფს სესხებს დაბალი პროცენტით, რაც ბანგლადეშელ ღარიბ მოსახლეობას გადარჩენის საშუალებას აძლევს. ამის გამო, იუნუსს "ღარიბთა ბანკირადაც" მოიხსენიებენ.