რა ხდება: 19:00 საათზე, რუსული კანონის წინააღმდეგ, პარლამენტთან შეკრებილმა სტუდენტებმა განაცხადეს, რომ მსვლელობას გააგრძელებენ დღეს ღამეც.

კონტექსტი: მათ პროტესტის ამ ფორმას მიმართეს გასულ, 19 აპრილის ღამეს.

  • ახალგაზრდებმა, გმირთა მემორიალთან დადეს ფიცი, რომ არასდროს შეურიგდებიან ძალას, რომელიც რუსეთისთვის ქვეყნის დათმობას ცდილობს:
  • "ვიდგებით ერთმანეთის მხარდამხარ და დავიცავთ საქართველოს სახელმწიფოებრიობას, ჩვენს ენას, ჩვენს მამულს და ერთობას!", — თქვეს მათ.

ბოლო განახლება: დღეს კი, 20 აპრილს, დემონსტრანტები მივიდნენ საქართველოს პრეზიდენტის ორბელიანების სასახლესთან. ისინი სკანდირებდნენ არა რუსულ კანონს! ჩვენ გვინდა ევროპა!

  • და მღეროდნენ გამარჯვებასთან ასოცირებულ ცნობილ სიმღერას — გაიღიმე, ზღაპრის ბოლო კეთილია.
  • [21:30 საათი] მსვლელობის ორგანიზატორებმა თქვეს, რომ პრეზიდენტის სასახლიდან მთაწმინდის პანთეონში მიდიან.
  • მანამდე: ორბელიანების სასახლესთან მისვლამდე, პარლამენტის წინ შეკრებილებისას, მარშის ერთ-ერთმა ორგანიზატორმა ისაუბრა მსვლელობის მიზანზე: "რა თქმა უნდა, დღესაც გვექნება მსვლელობა და ვეცდებით, მაქსიმალური დისკომფორტი შევუქმნათ ხელისუფლებას. ჩვენი მსვლელობის პროგნოზირება არის რთული. მალე გაგაცნობთ გეგმას. მთავარია, რომ ვართ ერთად და მთავარია, დავრჩეთ ერთად".

ფოტო: ნინო გიორგობიანი / On.ge

ფოტო: ნინო გიორგობიანი / On.ge

სტუდენტები პარლამენტთან, რუსული კანონის წინააღმდეგ. 20.04.2024

სტუდენტები პარლამენტთან, რუსული კანონის წინააღმდეგ. 20.04.2024

ფოტო: ნინო გიორგობიანი / On.ge

  • დღესვე, საქართველოს პარლამენტთან გაიმართა ქალთა მარში. გაიგე მეტი