რუსული კანონის საკომიტეტო განხილვის პარალელურად, პარლამენტთან აქცია იწყება

მოკლედ: დღეს, 10 საათზე, საქართველოს პარლამენტის იურიდიული კომიტეტი რუსულ კანონს განიხილავს.

საკომიტეტო განხილვის პარალელურად, პარლამენტის უკანა შესასვლელთან აქცია დაიწყო.
ისევე, როგორც ბიუროს სხდომის დროს, რომელზეც კანონპროექტი დარეგისტრირდა, ონლაინმედიის წარმომადგენლებს არ გვიშვებენ.

დეტალები: საკანონმდებლო ორგანოში დღეს უსაფრთხოების ყვითელი დონე მოქმედებს, რაც ნიშნავს იმას, რომ ვიზიტორებს პარლამენტის შენობაში შესვლა ეზღუდებათ.

ამასთან, კომიტეტის სხდომაზე დასწრება შეუძლიათ მხოლოდ ტელემაუწყებლების აკრედიტებულ ჟურნალისტებს.

მიზეზად, პარლამენტი სამუშაო და უსაფრთხო გარემოს უზრუნველყოფას ასახელებს.

რუსული კანონის ქრონოლოგია:

2024 წლის 3 აპრილი

ოცნებამ განაცხადა, რომ ისევ აპირებს იმავე რუსული კანონის კანონის მიღებას, რამაც მასშტაბური სახალხო წინააღმდეგობა გამოიწვია გასული წლის მარტში.

8 აპრილი

პარლამენტის ბიუროს სხდომაზე განხილვის შემდეგ, რუსული კანონი დარეგისტრირდა.
პარლამენტში თქვეს, რომ კანონის განხილვას პარლამენტის იურიდიული კომიტეტი 15 აპრილს დაიწყებს.
ამას წინ უძღოდა საპროტესტო აქცია პარლამენტის შენობის უკან.
შესაბამისი ნებართვის მიუხედავად, პარლამენტში არ შეუშვეს დამოუკიდებელი მედიის ნაწილი.
პრეზიდენტის საპარლამენტო წარმომადგენელმა განაცხადა, რომ სალომე ზურაბიშვილი ვეტოს დაადებს კანონს.
გავრცელდა 400-ზე მეტი ორგანიზაციის განცხადება, მიმართვით — კი ევროპას, არა რუსულ კანონს!
დამოუკიდებელმა მედიასაშუალებებმა ერთობლივად განვაცხადეთ, რომ ქართულ ოცნებას არ მივცემთ რუსული კანონის მიღების საშუალებას.

9 აპრილი

თბილისში თავისუფლების მარში გაიმართა.

11 აპრილი

ცნობილი გახდა, რომ რუსული კანონი პლენარულ სხდომაზე მესამე მოსმენით, სავარაუდოდ, 17 მაისს გავა. პლენარულ სხდომაზე პირველი მოსმენის სავარაუდო თარიღი კი 16 აპრილია.

ბოლო ამბები:

გირჩევთ