მოკლედ: მასწავლის ეროვნული ჯილდოს გამარჯვებულებმა ლადო აფხაზავამ, სოფო გოგოხიამ და როლანდ შავაძემ შექმნეს პეტიცია სახელწოდებით — მასწავლებელთა პეტიცია რუსული კანონის წინააღმდეგ!

დეტალები: პეტიციის ავტორები წერენ, რომ დღეს ახალგაზრდები, მასწავლებლები, აკადემიური, საგანმანათლებლო, სამეცნიერო და სხვა სფეროების წარმომადგენლები უნდა გაერთიანდნენ, რადგან

  • "დაპირების მიუხედავად, საქართველოს ხელისუფლება ისევ მზადაა მიიღოს რუსული კანონი, რაც საბოლოოდ შეაფერხებს საქართველოს ევროინტეგრაციის პროცესს, ჩვენი ქვეყნის მრავალი თაობის ბრძოლითა და თავგანწირვით გაჩენილ შესაძლებლობას, საქართველო ევროპულ ოჯახს დაუბრუნდეს".

პეტიციის მიხედვით, უპირველესად, მასწავლებლებმა უნდა თქვან, რომ ძალაუფლება არა ხელისუფლებას, არამედ ხალხს ეკუთვნის: "დღეს თუ არ დავარქვით სახელი მოვლენებს, ხვალ უკვე შესაძლებლობაწართმეულ საქართველოში გავიღვიძებთ და საკლასო კედლებში არც დემოკრატიის პრინციპებზე საუბარს ექნება აზრი".

  • პეტიციის ავტორები წერენ, რომ ხელისუფლების წნეხი ზოგადსაგანმანათლებლო სისტემაზე ძალიან დიდია და არცერთ მმართველ პარტიას არ მოსწონებია დამოუკიდებელი მასწავლებელი.
  • "2023 წლის მარტის განსაკუთრებული დღეების მსგავსად, კიდევ ერთხელ ერთად დავდგეთ ისტორიის მართალ მხარეს და დავწეროთ ისტორიის ღირსეული ფურცელი! მასწავლებლების ხმა განსაკუთრებით მნიშვნელოვანია!", — ვკითხულობთ პეტიციაში.

რუსული კანონის ქრონოლოგია:

2024 წლის 3 აპრილი

  • ოცნებამ განაცხადა, რომ ისევ აპირებს იმავე რუსული კანონის კანონის მიღებას, რამაც მასშტაბური სახალხო წინააღმდეგობა გამოიწვია გასული წლის მარტში.

8 აპრილი

9 აპრილი

11 აპრილი

  • ცნობილი გახდა, რომ რუსული კანონი პლენარულ სხდომაზე მესამე მოსმენით, სავარაუდოდ, 17 მაისს გავა. საკომიტეტო მოსმენა ორშაბათს, 15 აპრილს არის დაგეგმილი, პლენარულ სხდომაზე პირველი მოსმენის სავარაუდო თარიღი კი 16 აპრილია.

15 აპრილს, საკომიტეტო მოსმენის პარალელურად, თბილისში საპროტესტო აქცია იგეგმება.